意粉屋午餐

5月6日  星期日 晴天

今日天氣幾好, 上午帶咗兔寶寶去九龍公園玩.
有個三嵗左右嘅哥哥仔係咁跟住佢,
兔寶寶去邊佢又去邊喎!
個哥哥仔有位菲傭姐姐跟到實, 又抺汗又遞水咁,
一睇都知係皇帝仔嚟架喇!
我見佢對其他小朋友好惡, 不過對兔寶寶就好有耐性,
攞埋佢D私伙玩具出嚟俾兔寶寶玩之餘,
仲話要拖住兔寶寶教佢行! 又邀請我地上佢屋企玩咁....
後尾佢媽咪嚟到果位哥哥仔仲唔捨得走,
佢媽咪要出動雪糕去引佢走!
睇嚟兔寶寶都幾受異性歡迎喎!

兔寶寶: 哎呀! 媽咪你咁講我怕羞架!!

玩到咁上下, 下晏同埋大少一齊去麥當奴食晏,
之後去安記買定D合桃同無花果俾呀媽.
到大少返咗工, 呀媽先至上嚟探兔寶寶.
玩咗成日, 兔寶寶宜家先至"午睡",
睇嚟今晚佢又唔洗瞓喇!!!

兔寶寶: 今晚有排同你玩呀, 媽咪! 嘻嘻!!

摷返某一日去意粉屋食午餐嘅相.
果日叫咗兩個酥皮湯下午茶餐...


大少叫龍蝦酥皮湯, 入面有數隻龍蝦"毛"....

我要帶子忌廉湯, 入面有數隻帶子仔,
用帶子"孫"來形容會貼切D,
都費事摷來影相,
求其影塊煙肉算!

主菜有香草芝士焗龍脷柳火腿花邊意大利麵...

仲有肉醬意粉, 大少食厭咗, 話下次唔會再叫咁話...

餐飲要咗cappuccino同埋凍檸茶.

做咗member下午茶買一份第二份半價,
埋單一佰一拾幾蚊咁上下.