Veritas's Blog: 小南國晚餐

6月29日星期六晴天

晚上去咗小南國食飯.
叫咗個六人用的套餐.

四小碟有花雕醉雞.
我同大少覺得佢唔多夠酒味.
中間果碟係每枱都有嘅炸菜絲,
應該係店家自己醃,
唔太咸幾好食.
後面果面係四喜烤夫,
味道帶甜.
27062013 047

還有糖醋排骨和百葉卷.

公公最想試吓呢碟食龍井蝦仁.
嚟呢度食, 婆婆經常會問大少覺得D味道點(因為大少係上海人, 响上海長大).
其實大少麻麻地喜歡出街食滬菜,
因為屋企成日食!
問佢呢碟意見時,
呀公已經代答: "食完都唔知係乜味啦! 咁細隻都唔夠佢攝牙罅".
27062013 046

砂鍋雲吞雞湯是在客人面前分好先上桌.
這裡的雲吞確實是好吃, 湯也很鮮.

風味香酥鴨, 連餅皮上桌.
中間那碗是另點給兔寶寶吃的洋蔥麵,
但她掛住扭計吃得很少, 被我吃了大半.
那麵很好吃呢, 連湯也有很重的金華火腿味.
27062013 051

用餅皮包著京蔥和青瓜吃香酥鴨.
家人都不太喜歡這味,
這年代大家都對膽固醇避之則吉,
鴨皮(包緊了, 想丟也很難丟去)這些東西可免則免...
27062013 052

呀公雖說想試試龍井蝦仁,
但他本質上是很抗拒吃外省食物的.
我們還是第一次和他吃上海菜.
所以呢, 他對這兒的食物是預期的彈多過讚,
還說最好吃的, 反而是這碟最平平無奇的百頁小棠菜.

後面的那碟是松子魚,
我們都不是很喜歡吃那個甜酸汁, 認為不太好吃.

跟餐還有蟹粉小龍包,
加錢把它轉成生煎包,
這個也是麻麻好吃.

***************************

這餐飯大家都吃得很不自在,
因為兔小姐一來到就扭大計,
怎都不肯乖乖坐下, 大吵大鬧.
那兒算比較靜, 她的叫聲實在擾人,
於是大少只好帶她出外面兜圈, 一兜就兜了半餐飯,
再由呀婆和舅父接力...

我鵝過大少千百遍了,
自兔寶寶開始學行的時候, 就不要整慣佢,
食食吓飯都要落地.
宜家呢, BB好識睇人,
如果大少唔在場呢, 即使佢唔肚餓都好,
佢都會同我乖乖地坐底, 唔會扭來扭去,
最多都係食到尾聲時週身郁.
從來都唔會出街大吵大嚷的.
其實唔止咁, 宜家佢只會扭大少一個抱,
唔會要我抱, 因為我會企硬,
要抱就即刻返屋企!
夜晚瞓覺都係, 平時大少返工呢,
只要一熄燈要瞓覺, 佢最多都係嘈兩吓,
絕對唔會超過一分鐘(當然之前我係忍咗無數晚點喊都唔理佢!),
先成功將佢瞓覺嘅時間慢慢由半夜一兩點, 到十一、二點,
再到宜家十點幾!
我知十點幾對BB來說都是很晚才睡,
但對比之前已經進步不少.
可是大少一放假, 雖然他已經躲在自己的房間裡,
睡覺時兔寶寶還是會故意地大聲扭, 冀求大少會過來請救她!
(所有人都看得出, 每次BB哭時, 眼睛都是望著大少的!)

當晚我跟大少談了很久,
很心平氣和地...
我告訴他, 就是因為他前天在超級市場和兔寶寶玩"伏璃璃",
第二天獨自帶她去買菜時, 一入到超市就一支箭咁標咗去,
追著她時還要挑皮地回頭望著我笑, 以為我和她玩相同的遊戲,
害得我買餸不成, 白走了一趟.
我也告訴大少, 父母一定覺得自己的兒女是最可愛的,
也明白他見BB的時間比較少, 要爭取時間和她玩耍.
但做父母的每個行為都直接影響孩子,
什麼該做, 什麼不該做. 而他扮演慈父的角色實在過了火,
在兔寶寶未出生之前,
我已經同佢傾過佢對仔女的方式不是太妥,
但他們不是我的孩子, 他喜歡這樣都不關我事,
身份上我也不適合說太多.
而且他們由小也不是跟大少住, 壞影響會較少.

幸好大少都算接受了我部份見議;
昨天再去超市時識趣地快身地閃開,
不讓呀B看見他.
(說是部份見議是因為我提議大少去超市時可以教兔寶寶這是午餐肉、這是咸牛肉....etc,
當然呢個動作佢嫌唔好玩, 寧願扮透明人)
*************************************************

大概是扭計扭得又累又餓了,
吃到尾聲時, 兔寶寶終於肯坐下來,
並吃上兩箸麵條.
但太累的關係, 佢竟然食食吓麵"中"眼瞓!
一面中個口又可以繼續食兩啖,
相當攪笑! bb7