放假半天

6月28日  星期五  晴天

星期三大少放假, 我地又去咗酒家仔食飯.
今次食豪少少, 唔叫飯,
只叫小吃.

叫咗椒鹽豆腐,
雖然外脆內軟, 不過佢都係整得麻麻地,
可能佢唔多夠椒鹽.


仲有素鵝, 呢碟就幾好食喇~

先叫一碟豆豉鯪魚油麥菜,
食完唔夠再叫多碟.
大大碟真係好鬼抵, 以上各碟都係廿八蚊;
好多酒樓係一個大碟(甚至中點)嘅價錢,
响呢度已經夠叫小吃食啦!

兔寶寶就識食喇, 先吃菜打底,
再吃其他食物, 無咁易肥嘛~

仲叫咗馬拉糕同牛肉,
食咁多野都係百五蚊埋單!

呀B十分識做人,
知有街去就痴DADDY,
無街去就痴媽咪;
呢D咪世界女囉~

食完飯, 因為有D野要攞,
慢慢行去時代廣場.
見到毛毛, 一定要排隧影吓相!
可能屋企都有呢隻公仔,
兔寶寶唔驚佢喎~

唔驚不特止, 仲成日想走埋去做攝石人,
阻住其他人影相.
最後要捉佢走!

等巴士時又瞓著咗,
好彩大少堅持要帶埋BB車!

呢日係婆婆生日,
下午我地去咗婆婆屋企.
兔寶寶無乜野好玩, 著大人對拖鞋都玩一大餐.

等到六點幾, 我地就去食晚飯LU~