粟米紅蘿蔔枇杷花湯

6月27日  星期四  晴天

好耐好耐無煲過湯了,
上年响工展會買果D湯包成日阻住晒個廚櫃;
見百佳D豬肉有七折,
買舊瘦肉都係幾蚊雞, 快D煲個湯先~

自己以前無煲過呢隻湯,
但煲出來果隻味, 認得呀媽之前成日煲!


除咗瘦肉, 仲加咗三條紅蘿蔔同三支粟米落去,
煲佢兩個幾鐘...


我就麻麻地喜歡呢隻味,
都係青紅蘿蔔湯好飲D!
但估唔到唔多好湯嘅大少話好好飲!

*******************************

好難明白小朋友心態呀,
平時要佢戴帽唔肯戴,
但就笠住個桶通屋走,
仲好開心咁對住塊鏡跳舞!!


佢想笠落我個頭添呀!
嗱, 我就無所謂呀,
唔好笠落爸爸度就得!
唔係就變戴綠帽喇~