6月26日 星期三 晴天
上星期去了一次稻香飲茶,
搬咗屋之後都少咗幫襯,
一來唔就腳, 二來唔多唔少受到佢D負面新聞影響.
果日大少早咗D起床, 見有多D時間,
就慢慢行過去!
一上到間酒樓就覺得唔多夠冷氣咁,
即刻幫兔寶寶脫埋件短袖薄外套!
上星期去了一次稻香飲茶,
搬咗屋之後都少咗幫襯,
一來唔就腳, 二來唔多唔少受到佢D負面新聞影響.
果日大少早咗D起床, 見有多D時間,
就慢慢行過去!
一上到間酒樓就覺得唔多夠冷氣咁,
即刻幫兔寶寶脫埋件短袖薄外套!
叫晒五款三蚊點心,
大少來之前話佢唔食呢D野喎!
之後咪又係食!
三蚊點心有雙色水晶包(是雪凍的!)、日式煎餃子、蒸蘿蔔糕、
粉粿和三色糕點.
每款都比想象中好, 尤其紫色果塊紫米糕(?!),
煙煙韌韌像白糖糕的質地,
雖然油了少許但幾香幾特別.
大少另外點了棉花雞和皮蛋瘦肉粥.
吃完碗粥佢就知C了, 明知冷氣唔夠仲食D咁熱嘅野,
請求侍應開大少少冷氣, 但佢地話已經較到最大了...
我就唔多信喇~ 冬天個個打邊爐時又唔見你個冷氣係咁?!
我就另外點咗碗仔翅和唔記得乜野Q麻薯.
好耐都無嚟原來漏了單.
我醒目喇, 有大少大大個人版响度,
仲敢食碗仔翅呢D熱上加熱嘅野咩?!
借機叫侍應姐姐取消佢, 剩係落返個Q麻薯就得喇~
見到XXQ麻薯呢個名, 以為佢好似芝士波波果D質地,
酒樓整出來會係點嘅呢?!
就係因為呢份好奇心, 放棄咗叫脆麻花,
叫咗呢碟野!!!
OMG!! 原來Q麻薯係類似炸湯圓的東西!
一D都唔Q, 又唔係太好食!
只怪自己On Q, 諗多咗了!
獨咽Q麻薯時,
大少同兔寶寶已經食飽飽, 玩得好開心,
睇住佢地玩心情反而Q返少少...
呢餐埋單六十幾蚊咋~
抵就係抵, 不過焗住桑拿嚟食,
都幾難有下一次!
*******************************
星期日大少出咗去同D細路玩,
我就襯好天帶兔寶寶四圍行, 之後上咗去Loving Hut食件素蛋糕.
呢日無朱古力cake, 剩低香蕉忌廉蛋糕.
無奶嘅cream幾好食, 唔多覺漏咁,
不過我地都係喜歡朱古力cake多D!
一上桌兔寶寶好快手想用手去拎塊蛋糕,
太過急於分俾佢, 忘記了影相了;
到記得時件cake已經變成咁...
原來星期六、日下午茶時間有歌手自彈自唱表演呢!
但兔寶寶唔識欣賞,
只係奇怪點解D人會無啦啦拍手!!
沒有留言:
張貼留言