年廿七 -- 大少農曆生日

1月20日  星期五  晴天

今日係年廿七, 亦都係大少舊曆生日.
年尾佢D工作好忙, 都無特別攞假.
呀媽今早响荃灣睇骨科,
尋晚我就焗定D腰果俾佢過年食,
佢睇完醫生就過嚟我家拎腰果順便飲餐茶...

去咗童軍總會隔離嘅景逸軒飲茶,
貪佢多D甜品類點心食.
而家D酒樓已經用緊新年餐牌, 加晒價喇!!!


先叫D點心, 有鮮蝦白合蟹子餃、

鮑魚紫菜卷、鮮竹卷;

大少一個人食晒一籠嘅山竹牛肉,

同埋叫咗兩碟蛋散(一碟係我一個人食晒架!!)

又叫咗三碟小食, 三個都係炸野.
煎蓮藕餅、炸九吐魚同埋椒鹽魷魚酥
三碟都熱辣辣, 好好味呀!

平時我地都唔食蓮蓉, 係因為大少生日先叫嘅三色蟠桃...
"搣"開個壽包嚟睇, 三個pet pet嘅餡都唔同架喎!!

貪心叫多個高力豆沙...
今次新鮮炸起, 好食好多...

仲叫咗碟蝦腸無影,
未淋豉油之前夾起一些淨腸粉俾兔寶寶食...


四傻福玩自拍...

*********************************************

兔寶寶係咪想送份生日禮物俾Daddy呢?
尋晚佢終於識講"BA~BA~BA~"啦!!
不枉我不停唱"BA BA  BLACK SHEEP"呀!!!

•