去荃灣新天地

1月18日  星期三  晴天

今日好好天呀!!

早上呀媽同呀哥去咗荃灣睇骨科.
個骨科醫生好出名, 一個月前預約, 而家先有得睇...
個醫生話我媽條腰真係有少少歪咗,
要做治療同戴腰封.

我地就無跟埋去睇醫生,
晏晝約咗响新天地翠園飲茶.

餐前小食有雜豆.


兔寶寶都有餐前小食,
自家帶嘅牛油果半個.

呀媽話有少少頭痛, 叫咗個川芎魚頭湯飲.

大少同我都鍾意食香口野, 叫咗椒鹽九吐魚.

炸菜牛肉腸.

雞絲粉卷.

呢個煲仔牛雜好抵, 做午市特價, 只賣19元.

呢個係瑤柱白粥跟蒸銀絲卷,
用籠仔分兩層上, 好靚, 好特別,
不過兔寶寶食完一碗粥之後我先知原來D粥落咗鹽調味,
怪不得佢食得咁滋味啦!!

怕唔夠飽, 叫多個瑤柱蛋白炒飯.

甜品有炸鮮奶.

食食吓,
兔寶寶又開始坐唔定...

婆婆又破費,
俾定壓歲錢我地一家,
同埋俾咗兩封生日大利是大少,
兔寶寶接過利是, 隨手就趺一封落地...
遲吓你就唔會咁易趺架喇!!

之後响新天地行咗陣,
我地三個都有收獲呀,
呀婆仲買咗件衫仔俾兔寶寶添呀!!

行行吓兔寶寶要搭的士....

因為大少下晏仲要返工,
之後我地就搭西鐵返屋企喇!!
我地發覺荃灣都幾多野行,
下次可以再去行吓呀!!