忽然一餐外吃

1月9日  星期三  寒冷

兔寶寶你拎住兩個牙籤筒攪乜?!

星期日晚, 換好晒衫打算帶兔寶寶去樓下吉野家打個邊爐,
大少打電話返來問屋企有無飯食...
無呀!
不如一齊出去食啦!!



諗來諗去唔知食乜,
要快快脆脆嘅, 大少提議食大排檔...
宜家D大排檔仲貴過酒樓, 不如去茶餐廳啦!
唔想响附近搵食, 走咗去北角吃...

兔寶寶已經開咗餐架喇,
但我地好肚餓,
一叫就叫咗三個小菜...

有琵琶豆腐...

沙嗲金菇牛肉煲, 送飯好正呀!

大少話佢有小小唔舒服,
但佢依然叫咗碟椒鹽魷魚..

每個小菜加八蚊可以有湯、白飯以及熱飲.
當日係粉葛湯.

呢間茶餐廳抵食又好味道,
三碟餸都幾好味,
難怪坐無虛席, D伙計忙到甩轆...

兔寶寶雖然响屋企開咗餐,
但都食咗不少飯餸.
食飽飽又開始諸事八掛, 拎轉後面撩人玩...
後面枱食客又要食又要應酬兔寶寶,
好忙呀!
呀B仲襯我地唔覺拎咗枱面樽牙籤...

搵個背脊"得"住我攪乜?!

"裝"吓先...
哎呀, 真係唔得佢C...
平時叫佢執玩具無咁好手尾,
佢將D跌咗落櫈嘅牙籤塞返入個牙籤筒呀!

*********************

飯後大少提議散散步,
去咗金紫荊廣場, 我係第一次來呢!
兩父女是但一個唔望鏡頭, 想點呀?!

好喇, 一連影咗N咁多張相,
終於一齊望鏡頭喇!

係呀,  大少叫我記得响個blog度寫低,
佢有問過我要唔要同兔寶寶影相架!
係我自己無化妝唔影咋! 唔關佢事喎...

海皮好凍, 凍到打冷震,
兔寶寶都肯戴返頂帽, 做個小雪人...

一放開DADDY隻手就跑呀跑!
郁吓會暖D呀!

跑到咁上下又要扮"自由痕",
蹲响度...