土匪雞翼

1月8日  星期二  寒冷

上次响工展會買咗包孜然粉,
雖然大少想我用來整羊肉,
不過我未用過呢種香料來煮食,
於是整次雞翼來小試牛刀先~~

响網上參觀吓D食譜,
整土匪雞翼並唔難,
都係好似平時整煎雞翼咁醃,
再加上適量孜然粉就得架喇!!

我的食譜:
雞翼 1磅

醃料:
鹽 大半茶匙
糖 2茶匙
雞粉 1茶匙
豉油  1茶匙
美極醬油 1茶匙
孜然粉  1湯匙(可以落多D/少D)
黑芝麻(後加) 適量

雞翼用醃料醃一晚,
用190度焗10分鐘, 反轉灑黑芝麻再焗10分鐘.

今次我無預熱焗爐,
焗完一面咁啱手上整緊其他野;
較多5分鐘, 結果反轉時有少少雞皮痴底,
有D甩皮甩骨...
所以我唔係灑芝麻, 而係用D黑芝麻當遮瑕膏...



當日午餐仲有: 豆腐火腿炒蛋
呢味餸大少同呀B都好鍾意呀!
仲呃到兔寶寶食不少雞蛋.

菜心炒秀珍菇.

同日又為工展會買的電飯煲開光...

焗雞翼時順手焗埋粟米同蕃薯...
但大家都食得太飽了,
兔寶寶吃了小半條粟米, 大少吃了半個蕃薯..
兩人把吃剩的遞給我..
當我焚化爐唔識飽咩?!

同場加演: 兔寶寶食粟米...