無癮一餐

3月16日  星期六  晴天

星期三大少放假呢日,
上晝要同兔寶寶哥哥姐姐去學校陸運會,
到傍晚才JOIN我們去吃團購的放題.

今次去呢間放題店簡直係經典.
食之前在OPENRICE睇過佢D劣評已經有心理準備.
訂位時說明有個BB, 店員就話無論幾大,
一食野BB就要計100蚊.
無問題, 你講明嘅我就在之前先行餵飽兔寶寶,
不過我就覺得如果係咁就應該要在團購嘅條款講清楚,
等人可以考慮買唔買囉...

沒想到一坐底還沒有食物來到時已有一幕店員與食客爭吵的場面.
原因是店員說該枱食客吃剩大量食物而要收多廿蚊"罰款",
總之就吵吵鬧鬧.
作為旁觀者的我, 就覺得該枱食客真是浪費,
但店方也顯得小家, 不應該為果廿蚊而和客人吵架.

好喇, 到有野食...
一如所料, 唔係咁好食,
最好食嘅係炒雜菜同牛油金菇,
每樣我都食成三四碟.
刺身真的要用"難食"去形容,
怪不得一間唔係大嘅放題店到七八點都係得三四枱食客.
而且出菜很慢, 兩小時裡面大約有三分二時間係等食的...
無份食嘅兔寶寶都等到伸懶腰...



桌上有一壺茶俾你自己倒來飲,
因為呢個放題係唔包野飲的.
只怪自己買之前無睇清楚.
呢餐埋單都二百八, 早知就去掃街篤魚蛋好過.

等呀等, 最開心嘅係兔寶寶,
因為枱枱都無得食, 有D食客撩佢玩..

兔寶寶: 哈, 唔預我吖嗱?!
             大家都無份食..

兔寶寶: DADDY你記住下次想有好野食,
              就唔好唔預我喇, 知無?!

**********************************

食完一個不太飽嘅放題,
我地走咗去麥當奴食雪糕, 我仲啃得落成個麥樂雞餐添...
兔寶寶見大少嘅雪糕筒, 一手搶咗去...



D雪糕就嚟滴喇!
大少想話攞返來食, 兔寶寶擺出個咁嘅POSE...

於是乎大少就取來一隻匙, 想話畢咗就嚟溶果D雪糕來吃.
呵呵, 唔該晒喎,
隻匙都俾兔寶寶手快快搶埋...


嘻嘻...睇下兩父女嘅表情...

到食剩個威化筒嘅時候, 兔寶寶先主動俾返大少咋!
呀B, 你以前剩係有份食個威化筒架咋~