八月軒飲茶

3月25日  星期日  晴天

大家今日有無早D起身睇選舉呀?
而家都大局已定.
雖然最近多咗好多人表態係唐梁都唔支持,
表達對小圈子選舉嘅不滿.
雖然我都支持普選,
但係我就唔係咁想流選喎!!!
反正今屆無論如何都唔係一人一票選出來,
就算流選都好,
無論邊個跑出都係做人個中間人,
我都諗唔倒邊個選出來唔會俾人鬧.
總之唔係唐唐做特首就得啦!!


講返星期五果日, 睇完音樂會之後,
我地就搭船過返九龍.
今次係兔寶寶第一次搭船呢!!
可惜佢攰得滯瞓咗覺, 見唔到佢八八掛掛個樣了...

去咗海港城換片加餵奶後,
我地去咗朗豪坊嘅八月軒飲茶.

之前睇open rice, 見果度雖然係中式酒樓,
但都有D西式嘅甜品如鮮果拿破崙之類嘅野食.
但係去到摷晒成個MENU都唔見有, 好失望呀!!
而且果度D野食麻麻地咋!!
個知客明知我地有BB都安排張好細嘅枱俾我地
(我上洗手間時經過見入面有D四人枱好大張, 佢安排我地坐出面,
係唔想個BB嘈掛?!)
雖然環境OK但服務非常唔貼心!

時為下午茶時間, 都叫做有D點心特價.
唔知係未將貨就價呢, 佢D出品真係麻麻地.
(但係特價都唔係平架喎!!)
不嬲我都幾LIKE美心集團,
覺得佢D食物質素有返咁上下,
唯獨呢間例外!!

叫咗叉燒酥, 鮑魚菇燒賣同千層腐皮,
呢三樣最難食.
唔係唔好食, 係要用難食去形容,
尤其個叉燒酥, 食到我想LUR!

竹笙腸粉, 粟米鲮魚餅同埋奶皇蕃薯棗叫做OK,
吃得過.

較為好嘅有芝麻卷同埋魚肚粟米粥,
兩樣都係特價, 而且質素不錯.

張枱咁細根本容納唔倒兔寶寶埋位,
通常D食肆知你有BB都會俾張大D嘅枱你,
預咗BB前面位置係唔可以放野嘅,
真係估唔倒佢作為一間叫做摩登嘅酒樓連呢D安排都做唔到,
成餐飯我顧住兔寶寶唔好攪東攪西, 都唔洗食了.
後尾要委屈兔寶寶, 你坐返落去BB車啦, 呢度唔啱你坐架!!!