兩嵗舊曆生日

4月29日  星期日  晴天

兔寶寶: HELLO, 大家好!!
             今日係我兩嵗舊曆生日呀!
             新曆生日媽咪响醫院無人同我慶祝, 好可憐哩~
             呢日DADDY同媽咪就安排咗一連串節目,
             俾我玩玩玩!
             差D唔記得自己仲病緊, 鼻涕長流呢~~~

LUNCH就簡簡單單响茶餐廳攪掂,
BB食咗一塊多士咋~
呢排佢真係無乜胃口, 瘦咗好多,
成個肚腩唔見咗!


之後就去咗遊樂場玩一陣,
兩嵗嘅兔寶寶, 大膽咗好多呀!
再唔係果個連sir滑梯都唔敢嘅BB了...

唔信?!
睇睇片,
佢就玩得過癮,
我就嚇到鼻哥窿都無肉....
http://www.youtube.com/watch?v=kCDKg6Eepkg&feature=player_detailpage  大少尚算識做, 幫我地影幾張合照...
照片中的兔寶寶, 一向是我心中的天使,
不過近期是因為早前見少了我們六天?
還是因為生病?
定係咁快trouble two?!
除咗玩之外, 佢好似事事興我作對咁,
小至換衫、換片、沖涼都say no,
自我出院以來就每天與她角力.
明白兔寶寶開始有自己的主見,
不再是以前為所慾為的BB女;
嘗試同佢講道理、用我最可以的耐心和溫柔去指引佢,
大少也請了許多假去陪陪她,
但她都好似蠻不講理似的,
令我們很頭痛.
真希望以前那個生性懂事的兔寶寶歸來呀~


*********************

去完遊樂場,
我地去咗大草地玩.

起初兔寶寶唔肯踩上人造草皮架,
大少就將佢抱到球場中心,
等佢一定要走走走...
我地都覺得, 生病唔可以成日都躲在家,
要出外走走吸多D新鮮空氣,
同埋可以安撫呀B近來不安的情緒.

兔寶寶呢幾日都係食好少野咋!
前日就食咗小半個蛋糕、半個蘋果、幾條餅乾;
今日就食咗半塊麵包、小小火腿、小小餅乾...
粥呀飯呀麵呀肉呀菜呀什麼都不吃呀~~~
所以我都盡量响佢玩得開心時襯機塞D餅乾入佢個口...
餅餅唔係好有營養----但好過無啦!
大家請俾D意見,
生病時咁樣無胃口+扭計法係咪正常(玩佢係好有精神架喎)?! 
我已經同佢睇咗一次醫生+一次急症(當晚佢又吐又發高燒), 都係話佢感冒咋喎!
又點先可以幫幫佢呢?
聽日我會再帶佢睇多次醫生, 至少想佢有返D胃口,
唔好少食得咁恐怖...

希望兔寶寶快D好返,
好似以前咁鍾意食野、咁鍾意洗白白、唔會少少野就尖叫扭計啦!
唔係....人都癲呀~