五餸一湯晚飯

3月19日  星期二  晴天

續: 行太平山 + 掃墓行
搭15号巴士, 可以直接在灣仔落車,
本來呀公想去泉章居食鹽焗雞,
不過我怕果度無位, 加上要佢地行返去搭巴士比較遠,
就見議佢地去我家附近嘅酒樓食就算.

未到酒樓兔寶寶已經攰到瞓著咗,
唔夠瞓加上行咗咁多路,
勉強摷醒佢都只會扭計多過食飯,
於是我就好少可咁响晚飯時候都俾佢瞓!

叫咗五餸一湯, 白飯任裝...
呢個係我提議嘅海參鵝掌煲.

呢條海斑仔特價, 五十幾蚊.

不夠吃而叫的蝦仁炒蛋.
D蝦一定雪咗好耐, 無乜蝦味嘅.

瑤柱雙菇扒時蔬.

就返患糖尿病嘅老父要多菜少肉,
叫多個椒絲腐乳唐生菜,
炒得麻麻, 無影相.

湯係杏汁豬肺湯,
期望過大, 呢個湯唔夠湯味,
只得死咸.

一煲約五碗收百幾蚊,
如果好飲嘅當然值啦, 買豬肺都幾廿蚊,
仲要嘥心機時間洗豬肺.
但咸到好似汁咁, 連我呢個湯怪响度都飲唔晒,
真係茶餐廳D例湯都好飲過佢,
呢一餐就俾個湯完全破壞晒了.