中秋正日的一天

10月1日  星期一  晴天

兔寶寶: HELLO!
             大家好, 呢個中秋長假期玩得開唔開心呀?!



我就好開心喇, 有危險野玩,
中秋節唔玩蠟燭, 玩餐刀;
博打呀....

呢一日DADDY都要返工呀,
晏晝我地去咗HIPOT食下午茶,
DADDY要咗個常餐,
一個SET就包晒雞王意粉、沙律、雞翼、提子包同飲品,
下午茶特價, 賣廿八蚊.



媽咪就要咗一份下午茶餐,
除咗相片上嘅薯條朱古力西多雞翼提子包之外,
仲有一小兜沙律同羅宋湯餐肉螺絲粉!
加埋飲品成七樣野都係廿六蚊!

雖然咁平, 但呢間餐廳裝修都唔差架!
媽咪最鍾意係佢有BB櫈俾我坐!
食都食得舒服D!

食飽飽就走LU! 搭子彈LIFT離開時見到樓下有人派波波,
落到樓派波波果個人已經行到去柏麗大道LU...
DADDY立刻抱埋我跑去追住人地攞波波..
結果....
連埋我個叮噹燈籠,
我真係好唔得閒呀!

**************************

返到屋企DADDY仲食埋媽咪煮嘅湯圓先返工.
之後媽咪就帶我搭車車去屯門LU..
今次我地仲唔帶BB車, 坐巴士入去添!
不過就好唔好彩, 搭巴士無位坐喎!
我又眼瞓要瞓覺覺喎!
最後媽咪要抱住我坐樓梯!
媽咪話D人好衰架! 咁都唔讓座!

好在我夠醒目, 由頭瞓到落尾,
落車先至識醒, 唔係真係無眼睇呀!
一落車就見到婆婆响巴士站接我...地~


入到屯門行一陣已經六點,
時間關係, 求其响茶餐廳食D野就算喇!

之後我地就去咗屯門公園賞月.
而我兔寶寶, 就變身成為"螢光的B"!

我"螢光的B"跑得好快架!
就好似賭神咁, 唔會俾人影到我正面.

因為公園太多小朋友, 而呢D小朋友又都係螢光嘅,
所以我好想走埋去, 同佢地一齊玩.

唔知係咪我太矮呢?!
無人留意到我嘅?!

中秋節, 就緊係要人月兩團架啦!
你睇, 我同媽咪幾煙韌!
大家見唔見呀! 有個月光响右上角架!

呢一幅我地三婆孫影嘅合照, 都有個月亮响上面架!
不過最搶鏡都係我!

呢一幅仲有舅父同叮噹...

都係同呀婆影相最開心!

最後我地三條"囡"坐响度, 唔係捉棋呀!
係等我飲益力多....你今日飲咗未呀?!

**********************************

行完屯門公園, 入返去市廣場.
好凍呀!
舅父見我有D鼻水,
就問婆婆借咗件衫俾我著住,
因為大懵媽咪又無帶外套俾我!
件衫好大件呀, 攪到我好似做大戲咁...

舅父你攬實D我咪唔凍囉, 大家咁friend無所謂啦!
係呢舅父跟住你帶我去邊度威呀?




嗚嗚嗚...我咁信任你...
你竟然買D咁嘅野俾我?!

I WANT FREEDOM! I WANT FREEDOM!

***********************

嗌到口乾都無用, 無人幫我鬆綁.
同時我發現, 雖然攬住條"人帶",
但係媽咪都係奈我唔何嘅, 我依然係想去邊都得.
既然有D口乾乾, 咁就要食D糖水潤潤佢.
我地去咗市廣場嘅"糖圓圓"度食...

婆婆要咗芝麻糊併杏仁露...

媽咪要黑糖小丸子豆奶凍.

不嗜甜的舅父要了"五福臨門" ,
分了一粒芝麻湯丸給婆婆,
又分了一粒奶黃湯圓給媽咪,
其餘三粒是芋頭、栗子和花生就舅父自己吃,
我.....無份!

仲有一塊花生吐司小吃...

食完糖水, 去育嬰室換埋片片就返屋企LU!
舅父抱住我追巴士, 巴士係追到呀..
不過他來不及在巴士開出前把掛响佢背囊上嘅叮噹燈籠除出來還我...
所以.....舅父明年中秋就欠我一隻燈籠了.
謹以此blog為記.