粗菜館午餐

10月6日  星期六  晴天

尋日晏晝去咗粗菜館吃午餐.

一坐底女侍應送上大餐牌~散叫貴好多呢! 我地食set lunch得喇!
再睇下set lunch果張menu,
全部餐都加晒價, 以前3X至4X一個小菜套餐,
而家要4X至6X一個餐!
短短幾個月無嚟過, 都算加幾多吓!

一人叫一個餸,
大少本來想要涼瓜牛肉,
但體諒我不吃苦瓜, 改叫蜆芥炒牛肉.
碟餸一上枱,
我同大少互望咗一下....細碟咗好多!
以前用圓碟, 宜家用小小一隻長方型碟!

牛肉貴咗好多嘛~ 我知!
另一碟大豆芽炒魚鬆都係咁細碟,
就講不過了. 魚鬆只有4塊!

隨餐跟飯/白粥及例湯.
例湯的份量不變, 都是大大碗.
無影到碗白粥, 呢度D白粥, 唔知點煲, 係超好食的,
食唔出有瑤柱/腐竹之類嘅味道, 但真係好好味~
之前我病咗大少响度外買咗碗白粥俾我吃, 感動到吖...



隨餐加15蚊有碟油菜,
上次嚟加6蚊咋!
有比較之下就覺得非常唔抵食了.

點解貴咗咁多呢?
鋪租貴當然係原因之一,
物價上升係原因之二;
另一個重要原因, 我地食緊嘅時候發現了.
除我們外, 其他食客都是講普通話的!

埋單百二蚊,
大少細細聲响我耳邊講: 宜家要收加一了, 以前唔洗.
梗係啦! 以前做你生意, 咪唔收加一囉!
宜家呀蔡SAN都唔係做你生意, 做乜唔收加一呀?

其實尋日我都唔係特別肚餓,
不過食完佢個餐真係唔多夠飽.
於是我地再去近期嘅飯堂,
share多個茶餐.
成個餐連飲品只係廿六蚊.

响呢度兩父女坐得舒舒服服,
仲可以睇下街景.