梳乎里@雅苑餐廳

7月14日  星期日  晴天

上個星期四試咗附近另一間餐廳"雅苑",
佢應該係一間有返咁上下歷史嘅豉油西餐.
見佢下午茶有梳乎里都係三十幾蚊,
就專登同大少去試下.

兔寶寶本來坐响我左手邊,
坐咗唔夠兩秒就閃咗去右手面,
原來係要攪塊螢光黑板!

原來塊版無野玩嘅,
咁就頭顎顎睇電視...


見咁無聊, 攞返隻kinder出奇蛋-----個殼俾你喇!
呢刻先知道, kinder出奇蛋之所以咁出奇,
係個細路會丟咗入面件玩具, 而對住個蛋殼都可以玩得一大餐!
(前一晚食潮燒時見佢對個殼愛不惜手, 食完就拎返屋企洗乾淨嘅, 幾環保!)

兩杯咖啡先到, 野食就要等一排喇~

大少要瑞士汁炒牛河, 賣相明顯同太平館唔同啦!
不過都OK好食,
多幾條菜芯更加港式.


期待又期待嘅梳乎里嚟喇!
成個酥皮湯咁, 就係酥皮湯咁細杯.
不過三十幾蚊包埋野飲,
又無理由好似太平館咁一大盤俾你嘅...(雖然我內心有咁渴望過!)

兔寶寶吼都唔吼吓碟牛河,
見到個梳乎里就精神晒!

佢用隻匙篤篤, 隻梳乎里就塌咗LU!

好明顯兔寶寶係破壞狂嚟啦!
見到隻梳乎里愈塌愈開心!

出奇過出奇蛋, 呀B最後只是舔了隻匙兩吓,
只玩不吃;
成個梳乎里都是我食的.
可能佢以為果隻係玩具都未定~~~