西北泳池游水

7月15日  星期一  晴天

睇報紙知道屯門有一新公共泳池,
裡面有滑梯等嬉水設施,
就約埋呀婆舅父星期六去.

果日食完早餐行過樓下office,
有一個姐姐咁啱都要入屯門攪D野,
於是就約埋佢, 叫做有個伴, 提早入去喇~

怕曬, 唔想太早游,
先去市廣場行一陣.
舅父响吉之島買咗件防曬保暖泳衣俾兔寶寶呢!
買完泳衣我地就搭巴士去寶田食少少野.

記得有間社企餐廳响寶田,
唔難搵架, D野都幾抵食!
最重要係唔洗响市廣場迫餐C!
我叫咗個B餐.

好大碗架!
以為兔寶寶會食麵麵, 點知果日佢要食肉肉,
成塊雞扒食晒~

跟餐加五蚊有碗磨菇湯~

跟餐可能揀一杯十三蚊嘅飲品,
我要咗青蘋果乳酸.

呀婆同舅父飲咗茶,
只要了一份薯皮share吃.

呢份薯皮好正, 芝士又夠多,
廿二蚊超值~

任何套餐都可以加十蚊換蛋糕!

係幅相矇咗, 件cake都OK架!

兔寶寶果日唔知攪乜,
好似嬲咗舅父咁, 睬都唔睬下佢~
喂, 俾少少面吖,
話晒你都收咗人地件泳衣!

去市廣場D食肆, 愈來愈一式一樣,
愈整愈貴人又多, 最重要唔係特別好食!
呢餐食咁多都係六十幾蚊咋!
去開寶田/建生果頭可以幫襯下,
當支持下弱勢社群都好!

******************

兔寶寶嘅新泳衣照~
ERR~ 係無野睇嘅!
泳池內外不準拍照,
我响更衣室內關上門影咗幾張!


拎咗個大吹氣水泡去(有兩個窿俾BB穿對腳入去果D船仔水泡),
但舅父幫手吹漲它時才發現它穿破了.
其實即使不穿破也沒有關係,
因為呀B對豬腳仔已經插唔入兩個窿!
兔寶寶果日唔痴舅父,
我同呀婆就變咗人肉水泡!
仲攰過自己游!

講返個大西北泳池,
佢有滑梯响室內, 不過就比較適合D大些小嘅小朋友玩,
我想有返五、六嵗先啱吧!
果邊冷氣較凍,
而且有D冷水不斷噴出來,
水深亦不足夠一個小童浸住個身,
所以室內池真係好凍!

亦因為凍, 我地都無浸過室內嘅按摩池.
因為新開吧, 雖然位置偏遠,
但都好多人, 我同呀婆好難先搵到兩個LOCKER!
反而獨立沖身室就有好多, 而且夠晒大,
有足夠嘅位置放毛巾、乾淨衫等東西而唔會淋濕!
我地三婆孫放晒三大袋背囊、手袋同環保袋再响入面換完衫都得,
值得一讚呀!

洗完白白, 我地就去搵野食LU~