又係飲茶

5月12日  星期六  晴天

聽日母親節, 相信大家都為媽媽安排了各式節目了.
因為呀媽聽日去咗旅行, 我地要遲一點先可以補返慶祝了.

做咗母親一年多, 可能兔寶寶未曉得什麼是母親節,
我尚未對呢個節日有很大的感覺.
反而係佢走埋來吻我時,
就真係令我開心過什麼母親節呀、情人節呀、聖誕節呀咁.
其實佢並無DO長個咀"豬"一聲咁錫,
只係擘大個口用個唇印個來, 雖然似咬我多個似錫我,
我都當係鍚咗架喇!

補返日前去飲茶的相片...

一睇就知兔寶寶又有份啦!
我對佢食野嘅限制都放鬆咗,
唔係太咸唔係太油嘅野都會俾佢試少少.
例如雞扎入面D雞雖然用鹽醃過, 我都會分少少俾佢試吓.
話就話街外野無益, 但睇住我地食有得睇無份食好慘.
反正我覺得呢樣唔俾食果樣又唔俾食好無謂,
食少少都唔係好過份姐!
 

食食吓攪事, 要大少抱佢去第二張枱度"打個等".