5月15日 星期二 晴天
尋日踏入兔寶寶13個月大,
我地去咗游水呀!!
第一次响屋企試穿水著.
其實我係睇中另一套粉紅加黃色, 連埋裙仔嘅bikini的,
但啱兔寶寶著嘅碼就啱啱賣晒.
大少見到呢一套款式較為簡單嘅bikini之後,
就猛咁話呢套好靚.....我覺得佢係因為價錢平一半先話呢套靚囉!
既然我睇中果套無碼, 唯有死死地氣買呢套.
出發之前, 我從網上摷吓帶BB游水要注意嘅事項.
例如要搽防曬、最多只可以游一小時、每十分鐘要上水休息下咁.
以下幾點我覺得好有用, 列來俾大家參考.
1) 公共泳池有提供"家庭更衣室", 亦即係俾殘疾人士更衣室.
媽 媽如果一個大人攪唔掂個BB, Daddy就可以幫手, 無分男女共用的更衣室. 內裡有花灑設備可以沖埋涼. 佢個花灑同普通嘅男女更衣室不一樣, 水龍頭唔係固定的, 咁我同兔寶寶沖涼就容易好多了. (並唔係每個公共泳池也有家庭更衣室提供, 大家要上網check吓啊!)
2) 要帶一點餅乾小食--- 引BB坐定定食野, 等大人有D時間沖涼換衫.
3) 可以帶BB車, 我去九龍公園泳池, 果度D員工會教你推架BB車放入場內一 個位置, 推了入去後是會上鎖的, 可以放心.
4) 至少帶兩條for BB用的毛巾, 一條帶出泳池用作上水時保暖; 沖完涼抺身用另一條.
5) 要買BB游水尿片, 我响卓悅買GOO.N出的, 三十幾蚊三條; 之前我見過 Three Sixty有賣Huggies出的游水尿片, 五十幾蚊五條.
我地出發時經過泳池附近的文具鋪才買水泡和水袖,
並且叫佢幫我地充埋氣.
第一次買水泡才知呢D水泡呀、水袖是很便宜的.
又或者說以往我做咗幾次水魚!
之前去海灘玩去沙灘的小攤販租大水泡、浮床呢D,
租一次都要幾廿蚊, 原來同買係差不多價錢!
而我買一個兩隻腳可以插入去坐的水泡只是十七蚊,
水袖只是八蚊雞, 仲要幫我地充埋氣!
不過大家真係要格吓價, 同一樣嘅水泡,
鄰店(真係隔離鋪咋!)賣緊四十幾蚊架!
一切準備就緒, 可以游水喇!!
一出游泳池, 兔寶寶都未攪清乜野一會事,
大少就將佢放入水泡...
大佬呀, 俾些少時間佢適應都得掛?!
難怪佢條眉是一直皺住的,
我expect佢見到水係好開心架!
要我花一段時間氹佢先識笑.
好長時間兔寶寶都係坐响水泡,
我就要靠對腳去游, 雙手推住個水泡沿著個泳池行走.
就咁樣游咗成個鐘, 期間上水一次俾兔寶寶休息,
由大少看著, 我再下水游泳.
唔知係太耐無游水定係年紀已經大了,
游咗一小時後, 我對腳都軟了.
在更衣室裡影的相片, 穿上了游泳尿片, 一臉無知...
兔寶寶: 我著泳衣係咪去選美呀?!
**************************
兔寶寶人生第一次的下水禮雖然準備充足,
但依然有件糗事發生:
我游完水除衫沖涼嘅時候竟然發現自己著埋條底褲响游衣入面!!
怪不得我換完泳衣之後搵唔倒自己條底底啦!
好彩我係响屋企已經換定泳衣,
又攞咗另一條底底游完水之後著, 唔係都幾尷尬!
我即刻問大少游水時有無留意倒我突出條底褲?
(因為我臨行出泳池時都有照過全身鏡, 並無發現有什麼不妥)
呢個問題都幾多餘嘅...
佢梗係話無啦! 如果佢話有, (即係見倒都唔出聲啦)
仲唔俾我剷上天花板咩!!
*************************************
母親節當天一瞓醒就發現了大少買的一枝康乃馨,
插在水樽內.
尋日踏入兔寶寶13個月大,
我地去咗游水呀!!
第一次响屋企試穿水著.
其實我係睇中另一套粉紅加黃色, 連埋裙仔嘅bikini的,
但啱兔寶寶著嘅碼就啱啱賣晒.
大少見到呢一套款式較為簡單嘅bikini之後,
就猛咁話呢套好靚.....我覺得佢係因為價錢平一半先話呢套靚囉!
既然我睇中果套無碼, 唯有死死地氣買呢套.
出發之前, 我從網上摷吓帶BB游水要注意嘅事項.
例如要搽防曬、最多只可以游一小時、每十分鐘要上水休息下咁.
以下幾點我覺得好有用, 列來俾大家參考.
1) 公共泳池有提供"家庭更衣室", 亦即係俾殘疾人士更衣室.
媽 媽如果一個大人攪唔掂個BB, Daddy就可以幫手, 無分男女共用的更衣室. 內裡有花灑設備可以沖埋涼. 佢個花灑同普通嘅男女更衣室不一樣, 水龍頭唔係固定的, 咁我同兔寶寶沖涼就容易好多了. (並唔係每個公共泳池也有家庭更衣室提供, 大家要上網check吓啊!)
2) 要帶一點餅乾小食--- 引BB坐定定食野, 等大人有D時間沖涼換衫.
3) 可以帶BB車, 我去九龍公園泳池, 果度D員工會教你推架BB車放入場內一 個位置, 推了入去後是會上鎖的, 可以放心.
4) 至少帶兩條for BB用的毛巾, 一條帶出泳池用作上水時保暖; 沖完涼抺身用另一條.
5) 要買BB游水尿片, 我响卓悅買GOO.N出的, 三十幾蚊三條; 之前我見過 Three Sixty有賣Huggies出的游水尿片, 五十幾蚊五條.
我地出發時經過泳池附近的文具鋪才買水泡和水袖,
並且叫佢幫我地充埋氣.
第一次買水泡才知呢D水泡呀、水袖是很便宜的.
又或者說以往我做咗幾次水魚!
之前去海灘玩去沙灘的小攤販租大水泡、浮床呢D,
租一次都要幾廿蚊, 原來同買係差不多價錢!
而我買一個兩隻腳可以插入去坐的水泡只是十七蚊,
水袖只是八蚊雞, 仲要幫我地充埋氣!
不過大家真係要格吓價, 同一樣嘅水泡,
鄰店(真係隔離鋪咋!)賣緊四十幾蚊架!
一切準備就緒, 可以游水喇!!
一出游泳池, 兔寶寶都未攪清乜野一會事,
大少就將佢放入水泡...
大佬呀, 俾些少時間佢適應都得掛?!
難怪佢條眉是一直皺住的,
我expect佢見到水係好開心架!
要我花一段時間氹佢先識笑.
好長時間兔寶寶都係坐响水泡,
我就要靠對腳去游, 雙手推住個水泡沿著個泳池行走.
就咁樣游咗成個鐘, 期間上水一次俾兔寶寶休息,
由大少看著, 我再下水游泳.
唔知係太耐無游水定係年紀已經大了,
游咗一小時後, 我對腳都軟了.
在更衣室裡影的相片, 穿上了游泳尿片, 一臉無知...
兔寶寶: 我著泳衣係咪去選美呀?!
**************************
兔寶寶人生第一次的下水禮雖然準備充足,
但依然有件糗事發生:
我游完水除衫沖涼嘅時候竟然發現自己著埋條底褲响游衣入面!!
怪不得我換完泳衣之後搵唔倒自己條底底啦!
好彩我係响屋企已經換定泳衣,
又攞咗另一條底底游完水之後著, 唔係都幾尷尬!
我即刻問大少游水時有無留意倒我突出條底褲?
(因為我臨行出泳池時都有照過全身鏡, 並無發現有什麼不妥)
呢個問題都幾多餘嘅...
佢梗係話無啦! 如果佢話有, (即係見倒都唔出聲啦)
仲唔俾我剷上天花板咩!!
*************************************
母親節當天一瞓醒就發現了大少買的一枝康乃馨,
插在水樽內.
沒有留言:
張貼留言