大少放假－２月２１日

2011年2月23日上午2:44


２月２１日

大少瞓醒自己落街去染同剪頭髮，　由我瞓到３點幾。。。
瞓醒後我就 join 大少，仲有小小時間，　我都洗過頭，　呢間 Salon洗頭按摩幾舒服嫁。。。。

之後去咗食牛肉粥。

本 來諗住親今日電腦節最後一日去買部 External Hardisk 返嚟錄電視。但响 Salon出嚟，　食完粥都４點幾，　而且問心部機要五百幾蚊我唔係好想買（一來估計呢Ｄ野唔會平好多，　二來係大少話要買嚟錄電視，　但家下有幾多電視 節目好睇到值得錄起佢？！況且大少有幾多時間睇？！三來我唔想去同人迫囉！）襯大少唔記得咗呢件事，　我就話去尖沙咀行吓啦！

咁就去咗彩豐行，　買咗支eye gel　＆　facial wash (大少用），沖涼液，hand cream 同橄欖油, 咁多野都係二佰幾蚊。。。。

之後大少話羽絨城做緊大特價，　想走去買件羽絨背心。　途經海防道熟食中心，　諗起大少有可能鍾意食德發牛丸，咁就拉佢食返碗。。。

影呢副相我地已經食咗兩三粒嫁喇！　大少仲問我洗唔洗咬一半嚟影～～
嚟親呢度Ｄ人都係食牛丸，不過大少話麻麻喎。。。

去到新港中心，　大少仲話，　羽絨城做大特價有機會要排長龍先入到去。。。。　唓！結果得果幾隻人仔。。。。　係Ｄ超核突款有半價囉。。。

行完一輪大運，　都七點幾八點。。。兩條友都唔係太肚餓。。咁唔去打邊爐，　食炒小菜啦。　於是又行返去官涌街市大排當食飯，　不過，　返到屋企先醒起：唔記得影相呀。。。。我仲未有食野前影相嘅習慣，　要培養吓先得。

同場加影：老公仔為食照一幅

勁呀。。。兩條友响三日入面食咗三桶雪糕。。。
今日大少話要限制自己每個月只係買一桶喎。。。。。。睇下點？！