好鍾意食鋮記D粥, 今日又去, 今次記得影相了.....
呢度D菜係任'畢'嘅....由於我個人麻麻地'好'淡水魚, 我覺得呢間好味過少年食神介紹果間'新興棧'.
講開新興棧有單笑料.....話說當年第一次帶大少去果度食粥, 佢竟然响果度叫炸面同炒麵~ 兩樣都唔係果度出名嘅食物! 因此大少都唔好去果度, 由得我去鋮記.
兩條友食完一碗粥, 大少心思思想响隔嚟粥店食多個炸兩(鋮記D炸面都係交嚟嫁---唔好食~)
順便叫多一碗粥....不過我覺得唔好食囉~ D牛肉都唔太新鮮......
食完野, 醒起之前响人地D Blog 度睇到護協買孕婦同BB啲野平, 於是就同大少上去八吓.....又買咗一大袋野....
有兩包產婦衛生巾, 一個康護瓶, 一set奶瓶, 一包防溢乳墊, 一包濕紙巾同一包床墊...洗咗三佰幾蚊...不過護協真係平好多囉~ 都好多孕婦响上面買野嫁~
其 實我已經好遲先買呢D必需品...因為之前大少拍心口話佢家姐好多野都有, 叫我等佢搬返來....但事實上係有好多野都必須要自己買...我諗住過兩日做個list出來再上去買過, 至少都要買兩套床上用品.....好在我地屋企嚟護協都好近, 到我坐月時有咩欠缺都可以叫大少去買....
二月尾荷花攪果個BB展, 我都唔諗住去, 怕太迫人, 雖然我'營'住好多野未買....
大少返工, 我就去買餸...............中途又買多件BB衫仔同兩對襪仔...
開心嘅係, 呢兩日有電話打來, 雀巢同美素佳兒都有免費奶粉送, 一共有三罐, 咁就可以慳返小小奶粉錢.
沒有留言:
張貼留言