又係合家歡

9月11日  星期二  晴天


兔寶寶: HELLO! 大家好, 又係我地影合家歡嘅相...

兔寶寶: 果日我地都好慘,
            晨早九點就要去到九龍塘影相...   



兔寶寶: 一大早起身, 好彩我無水腫咋!

兔: 等媽咪化妝時daddy就用手機同我大影特影....
      因為無人理佢影相喎!

後尾媽咪攪掂個LOOK之後又影埋一份,
不過佢地都唔敢攞部相機出來咁揚...

佢地就影得好開心, 睇下我, 幾無奈....



兔寶寶: DADDY又捉住我影相,
            果度好多靚靚sales姐姐同我玩,
            真係唔係好想睬daddy..

影完即閃...





兔寶寶: 其實我都想正正經經咁同媽咪影翻幅相,
            不過佢對眼實在太古怪,
            D眼睫毛唔知攪咗乜好似長頸鹿咁,
            想唔望住佢都唔得...  



***********

呢幾幅係我地嘅另頖全家幅,
真係全家都响晒幅相入面架!
真係委屈呀大少佢囉!
   

太早起身兔寶寶果日都唔係太好心情,
全日都無乜點笑, 肯望鏡頭已經好好喇!

佢都係鍾意望住我多D!

都唔知係咪想"炆"咗我D假眼睫毛落嚟呀...

**************************

影到中途兔寶寶換衫我換髮型,
等我嘅時候BB終於忍唔住响爸爸懷裡瞓著咗...
我地抱咗佢去大梳化俾佢瞓, 我地兩個自己影.
佢瞓緊時, 好多攝影師同佢地嘅助手圍住張梳化望兔寶寶,
話佢係睡公主,
又講笑話佢地响度做野咁耐都無咁樣瞓過張梳化,
好想好似佢咁瞓一覺呀!

我地兩個都影咗好耐, 都打算唔預兔寶寶由得佢繼續瞓架喇,
不過佢又好似知道無佢唔得咁, 瞓咗三四個字左右就醒咗,
可以一齊出公園影翻D戶外嘅相.

兔寶寶: 想撇甩我?! 無咁易!

************************

影晒相等我落妝時, 兩父女又玩自拍...

兔寶寶自己都拍埋一份呀!