天天向上

9月13日  星期四  晴天

星期日果日, 大少帶咗兔寶寶去游水,
本來我都想去架, 不過太陽太猛,
我又屬於曬一曬就黑嘅人;
咁啱室內池又因為有比賽而唔開,
成個鐘頭留响戶外池實晒到我變朱古力!
於是大少又再一拖三帶D小朋友去游水,
而我就在約定時間响泳池出口接走兔寶寶,
等大少入返去繼續游, 事關BB唔可以玩太耐水呀!

早咗去九龍公園, 未夠鐘,
見到一個個公仔豎响度, , 走埋去八一八...


呢個展覽名為"天天向上", 睇下場內資料,
"天天向上", 曾係毛澤東一句對小學生訓話嚟嘅名言來的.


畫家榮念曾就將呢句名言, 以概念漫畫來表達.


"天天"响呢個畫家眼中, 代表一個個心靈好似白紙嘅細路仔...

呢本漫畫入面嘅主角, 就係叫"天天"喇!

主辦單位就以"天天向上"為主題,
開展咗一系列社區校園創意計劃,
俾D中小學生响一個白色、手指指向天嘅模型公仔上加以創作塑像.
真係有好多好多公仔呢!

每個公仔都由學生繪上了唔同嘅表情和服飾.

而最吸引人視線嘅係由一班設計師所創作嘅"天天"公仔模型...

設計師就真係設計師,
俾我整一定就咁加翻D眼耳口鼻同頭髮俾佢就算...

我估每個公仔都表達緊D野吧!
不過我就唔得閒仔細研究,
因為要趕住接我家的"天天"呢!