1月15日 星期日 寒冷
尋日係14号, 兔寶寶九個月大了!!
九個月大, 行動上最明顯係佢爬得快咗,
大少仲話宜家兔寶寶"夠班"參加BB爬行大賽,
仲要係唔洗預先練習喎!
不過BB仲未識得自己企,
唔知係佢對腳唔夠力定係佢對手唔夠力去支撐自己...
動作方面, 兔寶寶而家識得"HI",
不過佢都幾吝嗇做呢個動作,
十次同佢"HI"佢只會"HI"返我三次!
無陌生人嘅環境,
聽到喜歡嘅歌曲會拍手,
UN身UN勢咁跳舞, 好攪笑!
宜家教緊佢飛吻同埋錫錫!
語言方面, 依然係果句: 媽!
我聽過佢叫"媽媽", "唔~媽",
甚至疑似一聲"媽咪";
不過一個疑似"爸"字嘅聲音都未發出過,
大少好似飲咗成支醋落肚咁,
日日瞓醒就問兔寶寶叫爸爸未?
飲食方面,
就真係要俾個"讚"佢!!
所有見過兔寶寶食野嘅人都會讚佢食得叻.
而家一日我都會安排返兩餐固體食物俾佢,
除非大少放假, 每一日都會有粥(或者薯類), 肉, 菜同水果.
暫時都未發現佢有偏食嘅...
****************************************************
今個月嘅生日蛋糕係"肉桂金寶啤梨芝士蛋糕"
其實係屋企無蘋果, 得個熟啤梨,
所以就由玉桂蘋果變成玉桂啤梨!
懶係有創意咁!
食譜:
材料:
忌廉芝士 250g
糖 45g
雞蛋 1.5隻
啤梨 1個
金寶餅面材料 :
麵粉 38克
黑糖 25克
牛油 15克
肉桂粉 1/4茶匙
做法:
1. 忌廉芝士室溫放軟, 分次加入糖份攪勻, 加入雞蛋液拌勻.
2. 啤梨去皮切粒, 加入(1), 再倒入焗盤.
3. 金寶餅面: 麵粉與牛油擦成粗粒狀, 拌入黑糖及肉桂粉
4. 把金寶材料灑在餅上, 以200度焗40-50分鐘.
參考食譜: 玉桂蘋果芝士蛋糕@Travel 。Cake
今次呢個蛋糕因為無用水浴法, 個面焗得唔係咁靚,
再加上我用咗黑糖(應該用黃糖)做金寶面,
黑炆炆賣相更差了...
但呢個芝士蛋糕卻是我焗過咁多個cheese cake之中最好食嘅一個,
因為有啤梨嘅水份, 所以無一般New York Cheese Cake咁實,
而面層嘅crumble就令到食落外脆內軟了...
大少食到讚不絕口呢!
係絕對可以encore架! 下次可以試吓整蘋果餡...
尋日係14号, 兔寶寶九個月大了!!
九個月大, 行動上最明顯係佢爬得快咗,
大少仲話宜家兔寶寶"夠班"參加BB爬行大賽,
仲要係唔洗預先練習喎!
不過BB仲未識得自己企,
唔知係佢對腳唔夠力定係佢對手唔夠力去支撐自己...
動作方面, 兔寶寶而家識得"HI",
不過佢都幾吝嗇做呢個動作,
十次同佢"HI"佢只會"HI"返我三次!
無陌生人嘅環境,
聽到喜歡嘅歌曲會拍手,
UN身UN勢咁跳舞, 好攪笑!
宜家教緊佢飛吻同埋錫錫!
語言方面, 依然係果句: 媽!
我聽過佢叫"媽媽", "唔~媽",
甚至疑似一聲"媽咪";
不過一個疑似"爸"字嘅聲音都未發出過,
大少好似飲咗成支醋落肚咁,
日日瞓醒就問兔寶寶叫爸爸未?
飲食方面,
就真係要俾個"讚"佢!!
所有見過兔寶寶食野嘅人都會讚佢食得叻.
而家一日我都會安排返兩餐固體食物俾佢,
除非大少放假, 每一日都會有粥(或者薯類), 肉, 菜同水果.
暫時都未發現佢有偏食嘅...
****************************************************
今個月嘅生日蛋糕係"肉桂金寶啤梨芝士蛋糕"
其實係屋企無蘋果, 得個熟啤梨,
所以就由玉桂蘋果變成玉桂啤梨!
懶係有創意咁!
食譜:
材料:
忌廉芝士 250g
糖 45g
雞蛋 1.5隻
啤梨 1個
金寶餅面材料 :
麵粉 38克
黑糖 25克
牛油 15克
肉桂粉 1/4茶匙
做法:
1. 忌廉芝士室溫放軟, 分次加入糖份攪勻, 加入雞蛋液拌勻.
2. 啤梨去皮切粒, 加入(1), 再倒入焗盤.
3. 金寶餅面: 麵粉與牛油擦成粗粒狀, 拌入黑糖及肉桂粉
4. 把金寶材料灑在餅上, 以200度焗40-50分鐘.
參考食譜: 玉桂蘋果芝士蛋糕@Travel 。Cake
今次呢個蛋糕因為無用水浴法, 個面焗得唔係咁靚,
再加上我用咗黑糖(應該用黃糖)做金寶面,
黑炆炆賣相更差了...
但呢個芝士蛋糕卻是我焗過咁多個cheese cake之中最好食嘅一個,
因為有啤梨嘅水份, 所以無一般New York Cheese Cake咁實,
而面層嘅crumble就令到食落外脆內軟了...
大少食到讚不絕口呢!
係絕對可以encore架! 下次可以試吓整蘋果餡...
Daddy媽咪又借你過橋呃飲呃食喇!!
明明係你九個月大生日, 我地食蛋糕,
你卻在吃手指...
沒有留言:
張貼留言