吞拿魚芝士飯糰 * 兔寶寶大整蠱

3月17日  星期六  晴天

自從BB出世之後, 兔寶寶就成為咗屋企入面嘅主角喇!!

兔寶寶: 唔好意思, 而家我係主埸!!
              媽咪, 你上次一買就買成1KG忌廉芝士,
              用極都用唔晒, 涉嫌浪費公堂喎!
              你講, 有定無, 浪費公堂?

媽咪: 我無!
兔寶寶: 你呃人!!

*****************************************
為咗証實我無講大話,
今日我就將剩餘嘅忌廉芝士用晒佢!
整咗兩樣野, 第一樣係吞拿魚芝士沾醬...


做法好簡單, 只係將忌廉芝士打軟之後加一罐罐頭吞拿魚,
再加入少少黑椒, 橄欖油和鹽調味.
之後就可以搽上多士上吃喇!!


就返兔寶寶做主場,
整返D小學雞啱食嘅野啦!
登登登櫈!
小學雞飯糰...

白飯加咗D黑芝麻, 中間夾咗吞拿魚芝士醬, 
外面包一塊即食紫菜, 小學雞都識整!

用咗模型嚟cupD飯, 超簡單!

******************************
兔寶寶今日又攪事喇!!
朝早我煮完早餐出來, 就見到兔寶寶背住我,
唔知响度攪D乜野...

行埋D見到地下一pet pet啡色嘅野...
哎呀佢成手都係朱古力呀!!
原來佢"琴"高用手掃到我包朱古力落地,
之後佢一定係成粒朱古力用手搓用口咬,
搓搓下咬咬下咬穿咗包裝紙, 順勢擺入口食啦!!

再望真D見到佢咁嘅樣, 我暈喇!!

呢個時候嘅兔寶寶仲未知衰, 好開心咁走埋嚟"投懷送抱",
我條褲呀!!
反正都係污髒邋遢, 唔掙在攞相機影底珍貴一刻...

兔寶寶: 唔好抺咗我D宵夜呀!

兔寶寶: 嘻嘻!! 大整蠱成功, 好野!!!