今日天氣熱咗好多,
著短袖衫都OK呀!
最開心係尋日洗完D衫今日已經乾透,
真係爽!!
尋日除咗整芝士吞拿魚沾醬之外,
仲整咗呢個豆腐芝士凍餅.
其實我係整咗呢個凍餅先,
剩餘嘅cream cheese就用來整尋日個沾醬嘅.
切成正方形, 真係成舊豆腐咁!
响網上摷到嘅食譜大多係跟為食貓嘅,
我都係跟為食貓食譜, 再改咗少少,
增加咗忌廉芝士嘅比例.
同埋我可能用百福豆腐嘅關係啦,
又唔係好覺有豆腐味喎!
加咗豆腐我就覺得件餅無咁肥膩,
感覺好似健康D.
因為屋企無毛士模,
所以用咗個雪糕盒嚟做模;
不過用熱毛巾幫助脫模時技巧不夠好,
整到件餅好似溶溶地咁.
今日咁熱, 食件凍餅過一過冷河先!!
**************************************
今日兔寶寶又唔知背住我攪乜鬼??
尋晚你做乜野嚟呀?! 咁都瞓得著?!
沒有留言:
張貼留言