開始揀飲擇食?!

2月17日  星期五  寒冷

HI!! 大家好呀!!


兔寶寶而家出緊4隻牙仔喇!
可能有D牙力嘅關係,
佢開始有D野唔食喇!
好似一開始食固體食物時好鍾意食嘅南瓜同豆腐,
而家一食就吐!
仲有蛋黃, 無論係蒸定加水炒, 佢都係一食就LUR,
甚至夾落麵包度俾佢食都LUR呀!
佢真係幾似大少, 唔食就唔食, 一D面都唔俾!

睇嚟佢唔鍾意食D軟淋淋嘅野,
粥仔都要煲到好杰, 甚至俾飯仔佢食.
好彩佢仲係好鍾意食魚同菜咋!

呢一日又帶咗佢去飲茶,
又係叫咗好多野食啦!
大部份都係下午茶有特價嘅..

兔寶寶都食晒2條蝦腸(走蝦)同埋差不多一個雞包仔嘅包皮架!


寫呢篇BLOG真係有D難度呀!
兔寶寶尋晚整鬼爛咗我個mouse,
大少果部notebook又唔係用mouse架喎,
想話借隻mouse嚟用吓都唔得, 而家淨係得keybroad用好鬼煩...

兔寶寶: 係呀! 我係破壞王嚟吖嘛!
              你俾我攪D野都預咗壞架啦!

佢自己果部BB電腦又唔見佢攪爛喎!