又翻炒--心太軟及糖衣合桃

9月30日  星期五 陰晴不定

來到九月最後一日喇, 就快冬天LU...

尋日八号風球响四點落波,
返夜嘅大少都係要返工, 嗚嗚...
不過咁, 佢就早咗放工返嚟,
有時間抱埋兔寶寶一齊落樓下超級市埸行下,
順便幫我"稱"汽水!!
大少去得超市就唔會忘記幫埋自己買雪糕!
就係咁, 我就整咗心太軟來送雪糕吃...

今次都係响攞出來時整穿咗,
雖然焗耐D個心太軟會硬淨D易D攞出嚟,
不過咁就得好少軟心,
同食朱古力蛋糕無咩分別,
送雪糕食我都係鍾意多返少少朱古力漿!

上次焗嘅果仁太受歡迎,
呀媽尚未來取已被我地食得七七八八,
今次要再焗!

又去咗安記, 買半斤有衣合桃,
因為有人話連衣嘅有益D!!
見到果度賣一罐罐已焗好即食嘅合桃,
廿八蚊得果180克;
未焗嘅卅十幾蚊已經有半斤;
自己焗真係化算好多!!
無業嘅我即刻為慳咗錢錢而沾沾自喜!!
兔寶寶基金又有進帳喇!!

今次用咗黃糖來焗, 所以顏色有D唔同.
而家我煮野多咗用黃糖,
因為聽人講白沙糖經人工漂過,
食得多會蠢!!
避免愈食愈蠢, 唯有少D食啦!!

****************************************************************************************

今日去飲茶果時見到個大約四五嵗嘅男童超曳呀,
又尖叫又走來走去,
佢呀爸呀媽鬧佢都當唔理, 完全當人無到呀!!

大少當時抱住兔寶寶係咁响度"UN",
我即刻同大少講, "唔好"UN"啦,
佢又唔係扭計, 而且你咁縱慣佢呀!"
大少仲理直氣壯咁話: "係呀, 我係縱細路嫁!!"

我自細屋企家教就好嚴,
嚴得有少少過份,
有D親戚會形容我屋企嘅管教方式好似軍訓咁!
所以我都唔想兔寶寶响一個太苛刻問責嘅屋企成長!
旁人睇响上來我地好乖好聽話好有禮貌好自動自覺,
但我嘅童年並不快樂!
我都好遺憾從來都唔能夠同我爸爸好似朋友咁傾計!
又或者講, 我從來未同我爸爸傾過計!
所以我希望將來同兔寶寶可以用朋友嘅方式相處,
有咩問題都肯同我傾, 同我講, 同我一齊分享!
但係佢宜家仲係小朋友, 唔識分是非黑白;
當我教佢嘅時侯, 我要好嚴肅咁同佢講,
乜野係可以, 咩係唔可以,
呢樣野要大少同我配合,
否則我一路教, 大少响側邊笑騎騎,
到時我會俾大少激死!!

兔寶寶:　媽咪, 我曳唔曳呀??