焗咗咁多日甜野, 係時候要休息吓, 停一停, 唔係大少肥咗瀨我....
今日都有焗野食, 不過係焗魚...
所謂鹽焗, 不過係搽多D鹽响魚皮,
魚肉刷一點點鹽花, 再灑上黑椒,
搵洋蔥墊起吧了...
用180度焗15分鐘, 關掉下火再焗10分鐘.
呢個做法係我求其做出來的,
總之焗到條魚香香地,
又肯定佢係熟嘅就得.....
中途反佢一次....
三件魚, 我同大少一人一件, 剩下一件留俾我晚上吃....
好健康呀, 一滴油都無落, 又好食....
焗緊魚嘅時間再睇吓雪櫃有D乜,
用咗腸仔, 墨魚片, 2粒魚腐, 一小塊素鴨,
加一個細椰菜, 用蠔油煮個粉絲.
慢慢切D配料, 煮好個粉絲時,
D魚都焗好了...
呢度係食咗一大半先記得影相...
再加埋一朝早起身就煲嘅綠豆沙, 放入雪櫃雪凍.
今日我地午餐就係食呢D野喇~~
**************************************************************
兔寶寶未出世前, 我地屋企係好寧靜的.
晚上得我一個人, 即使睇電視, 都會較到好細聲.
宜家我地間屋愈來愈嘈喇~
兔寶寶常常大叫係原因之一,
電視較大聲咗係原因之二,
最嘈果個.......係我.
我發現最有效停止兔寶寶扭計嘅方法,
係對住佢唱歌+拍掌.....
我愈唱得大聲, 佢愈興奮....
今晚我就由八點哼歌哼到差不多十點,
喉嚨都沙沙地, 手都拍紅了....
沒有留言:
張貼留言