簡單一餐...

8月21日  星期日   炎熱

俾大少激UN.......

咬牙切齒咁話會去做gym, 等我尋日將所有肉類塞入冰格,
因為佢做完gym直接返工唔會返來食晏,
星期一佢放假又唔煮飯!

唔知佢懶蟲上身定乜野原因,
今日又留响屋企,
攪亂晒我個schedule...

好彩冰格有D食物唔洗溶雪可以直接煮,
雪櫃有蔬菜,
唔係又要出街食喇~

焗兩塊上次買嘅"安格斯"漢堡 + 薯條
兩塊漢堡食得D薯條都未夠脆,
要再焗多5分鐘至金黃色....

估唔到大少好鍾意食呢D薯條, 仲叫我下次買埋薯餅...

再加一碗烚菜....
(粟米+翠玉瓜+韮黃一扎)
俾我摷到一條腸仔, 烚埋佢....

咁就完咗簡單一餐, 又可以慳返D錢唔洗落街...

*****************************************************************
今日俾我見到大少一路抱住兔寶寶打機,
一路响度"UN"....
怪不得宜家兔寶寶愈整愈多要求啦,
抱住佢都唔滿意, 真係辛苦咗成日湊佢果個呀....
原來大少有咁好services, 兔寶寶坐响佢大睥好似坐緊按摩椅咁,
個樣好enjoy...

兔寶寶見到大少就會即刻笑,
而見到我就無咩反應........
我就快失寵喇!
佢.........唔會叫"爸爸"先吖嘛?!