9月22日 星期六 晴天
今日我地一早就約咗兔寶寶爺爺嫲嫲飲茶,
晚上出去食飯, 提前做節呀!
飲完茶, 上咗呀爺屋企玩.
雖然係啱啱食飽飯,
嫲嫲知兔寶寶為食,
就開咗盒曲奇餅俾兔寶寶...
見到有野食,
兔寶寶摸吓呢塊, 又摸下果塊咁,
平時佢攞野食都有呢個壞習慣架!
講佢唔聽, 所以我好少成罐/成盒咁俾佢食,
只係佢大約食幾多就放入個碗仔度俾佢.
今次有呀爺呀嫲照住, 兔寶寶仲唔為所慾為?!
佢...每塊曲奇餅拎起來咬一啖呀!
五分鐘都唔洗, 好好地一盒曲奇餅就變成咁...
兔寶寶(猙獰地): 爺爺嫲嫲响度,
媽咪你奈得我乜野何?! 哈哈哈!
今日我地一早就約咗兔寶寶爺爺嫲嫲飲茶,
晚上出去食飯, 提前做節呀!
飲完茶, 上咗呀爺屋企玩.
雖然係啱啱食飽飯,
嫲嫲知兔寶寶為食,
就開咗盒曲奇餅俾兔寶寶...
見到有野食,
兔寶寶摸吓呢塊, 又摸下果塊咁,
平時佢攞野食都有呢個壞習慣架!
講佢唔聽, 所以我好少成罐/成盒咁俾佢食,
只係佢大約食幾多就放入個碗仔度俾佢.
今次有呀爺呀嫲照住, 兔寶寶仲唔為所慾為?!
佢...每塊曲奇餅拎起來咬一啖呀!
五分鐘都唔洗, 好好地一盒曲奇餅就變成咁...
兔寶寶(猙獰地): 爺爺嫲嫲响度,
媽咪你奈得我乜野何?! 哈哈哈!
最後媽咪都係忍唔住出手,
將呀B品嚐過一口嘅曲奇餅執起,
放返落佢個私家食物盒度, 再收起罐餅.
不過嫲嫲仲驚兔寶寶唔夠食, 再包起一袋俾呀B攞走呀!!
呢D咪係又食又拎囉!
*************************
食完曲奇餅, 又係學習嘅時間.
今次由爺爺做導師, 教兔寶寶學琴...
我同大少都想兔寶寶將來學琴架!
希望呀B唔好似我咁無音樂天份啦~
兔寶寶彈得好開心呢!
有請: 兔朗朗...(為免浪費食物, 勞煩大家觀看前先收起雪櫃所有蕃茄及雞蛋)
http://www.youtube.com/watch?feature=player_embedded&v=63aN9Mrtbys
沒有留言:
張貼留言