講吓尋日個免搓芝士包,
隔咗夜食, 個皮無咁硬,
我覺得仲好食過新鮮出爐喎, 真奇怪!
而尋日搓好嘅麵糰,
有一半放落雪櫃,
睇下發多一日個包會點.
我攪勻所有材料之後,
本來都無諗過要分兩盒放,
因為我見T&P嘅做法都係用幾多切幾多,
不過我怕個麵糰响雪櫃唔知會發到幾大,
而我又無D大盒,
所以我分咗落去兩個長方型嘅雪糕盒入面.
到我同個包包整型嘅時候發現一個好處,
就係個麵糰一倒落去個焗盆度已經係一個長方型,
fit 晒用來包餡, 唔洗再整來整去(個麵糰好痴手嫁~~)
同埋易捲D.
為免大家睇到悶, 今日我整火腿包啦!
不過都係要加芝士落去!!
無計啦我太鍾意芝士,
反正而家每日都要飲兩杯奶,
食塊芝士咪飲少杯囉!!
面頭果D唔係芝麻嚟嫁,
係亞麻子來, 都係俾我整色整水嫁姐~
今次我轉咗個焗盤,
同埋用啱啱滾起嘅熱水去製造蒸汽,
個皮果然係脆D喎~
今次真係似法包喇!
我食果時個包仲係熱嘅,
個麵包心好軟熟,
一出爐我就食咗半個了.
所以個包有DD咸, 下次再整就要減少少鹽了.
呢個包好好食, 如果唔係要試其他包,
今晚我已經想再預備多一份麵糰了.
沒有留言:
張貼留言