由免搓麵糰而來的pizza x2, 還有芝士波波

9月4日  星期日 雨天

睇到個標題, 唔好以為我傻咗呀!

因為我母親大人嚟探訪,
而我又事先不知道,
啱啱食完最後一啖pizza落肚,
先知道她會來,
所以先再焗多一個.

好彩尋日整定咗個免搓粉糰,
今次呢個食譜本來係用來整 Focaccia的,
但也可用來做pizza的底.

跟T&P個食譜,
做了三份一的份量,
比上次個免搓包落少四份一茶匙鹽,
又是分了兩盒入盒雪一晚,
即是每個pizza大約只是用了六份一的份量!!!

我分贓唔勻, 有一盒面糰多D,
一盒少D.
第一個pizza整俾我同大少兩個人食,
因為肚餓,
再加埋我地都是大食的人,
所以就用了一盒大份量的麵糰,
做出來的pizza較厚,
有點 Focaccia的影子.

無花無假, 免搓包真的不用手搓的,
昨晚攪攪吓個麵糰我仲有手影吓相:

我加咗黑芝麻同亞麻子落個麵糰度.

從尋日碌豬肉乾取得經驗,
响麵糰上加塊保鮮紙好碌好多,
唔會黏棍仲可以睇清楚塊麵糰有無碌穿到.

今次偷懶, 用茄汁做底就算!
餡料用咗大少欽點嘅邪惡腸...
(尋日去超市大少話要買喎!)
仲有其他剩餘物資,
包括半塊火腿, 一條廚師腸, 少少洋蔥同蕃茄.

今日上午去咗"德州"買芝士碎,
俾我發現原來D芝士碎係可以放冰箱保存的!
咁唔洗迫自己用晒D芝士!

出爐喇!

同上次做的超薄pizza風味不同, 
呢個pizza個底厚D, 口感帶點煙煙韌韌....
如果要比較,
大少較喜歡上次的薄底pizza,
因為今次佢唔肯食埋條邊!
但呢個厚度食得無咁論盡,
同埋佢雖然係厚,
但唔係好似pixxa hut食pizza包咁,
唔喜歡食厚批嘅我都鍾意食.

到我媽來到, 因為知佢未食飯,
就立刻攞埋細果盒麵糰出來,
做咗一個面積一樣, 但較薄的批,
看看用同一麵糰做薄批的效果如何.
前後不用40分鐘, 有得食!
呢個免搓麵糰真係要做定放落雪櫃,
好方便呀!!
第二個pizza只加一條邪惡腸, 蕃茄同洋蔥.

用呢個面糰來做薄批不是太好,
一涼了個邊有D硬,
而上次做私超薄pizza即使涼了都是脆的.
當然啦, 這個麵糰本來係要來做 Focaccia咁麻!!

反正焗開有條路,
快手整多盆芝士波俾我媽帶走.

因為我用普通片裝芝士,
比較易燶,
出來的色水不太美觀,
下次要買返巴馬臣芝士.