繁忙的一天

12月11日  星期二  寒冷

尋日大少放假, 我地為咗一D事情奔波咗成日,
到攪掂好晒D野, 已經係晚飯時候了...
經過街市, 我地決定自己煮飯食...

呢排D海蝦好平, 平時賣成百蚊一斤,
尋日只係賣$64蚊斤!
於是大少買咗斤半海蝦,
屋企有奶奶帶過來的煎牙帶魚,
再加D烚菜, 咁就一餐了...



食完飯都係好早咋,
我同大少決定拆咗D大相睇!
估唔到兔寶寶仲興奮過我,
不斷指住畫中嘅大少叫"爸爸",
而指住畫中嘅我, 叫..."姐姐"..
可想言知...兔寶寶心目中嘅媽媽,
一定係無化妝, 加埋薘頭垢面嘅黃面婆喇~

睇完相, 兔寶寶仲玩紙盒..

之後我地決定落街行下!
行下行下, 又行咗去時代廣場...
兔寶寶二話不說, 衝入去LEGO屋入面...

據大少所講(因為我上咗toilet), 兔寶寶完全係一個攝石人!
專响其他人擺緊pose時走埋去, 要人地影埋佢,
但到DADDY同佢影相, 佢就即閃!
我地根本無法令佢企定定影相!

唯有"隔硬"來, 抱住佢影張合照!

兔寶寶: 好放我落嚟喇喎!
             咪阻住我做聖誕攝石人!

行返出去大電視果度, D LEGO仲靚,
睇下呢D蛋糕...遠睇真係似食得咁.

近D睇先知係用LEGO砌架~

想話叫呀B同D蛋糕影吓相...
佢慘過俾人非禮嗌唔好, 又尖叫又大嗌,
你睇佢個樣...

都係影下LEGO糖果屋好過...

大少呢位老人家見到張櫈要坐下,
想話同呀兔寶寶影張相;
大家留意吓大少前後嘅表情,
就知乜野係"無癮"了.

同埋媽咪一齊影玩自拍又唔同...
唔同在...部i-phone對到正佢!

好! 起返身再玩過!
我地留意咗好耐, 兔寶寶對D個人仔特別有興趣,
好似想推倒佢咁, 又好似想踢低佢...

俾人抱高影相走唔甩, 先叫做望下鏡頭!

蹲底响度扮自由行, 都係想話俾大家知,
連個地下, 都係好似LEGO咁架!

玩到累了, 自己搵個位...坐底!
唉...我咪應該講句, 好彩佢唔係坐地下?!

兔寶寶: 睬你都傻, 行到攰攰地要伸展吓隻腳....