放假天 * 自煮晚餐

3月29日  星期五  晴天

先祝各位復活節假期愉快!

星期二呢日, 大概之前幾晚瞓得不好,
黃昏時份兔寶寶在睇書時睡著了,
幫佢又換片又除衫著衫都唔識醒.雖然明知佢响呢個鐘數瞓咗覺即係夜晚唔洗瞓,不過睇佢瞓得咁香甜, 實在不忍心摷醒佢.

呢一覺一瞓就瞓咗三個幾鐘...


即係話晚上都唔洗旨意佢會早瞓!
於是我又有藉口叫大少去吃宵夜了...

呢日兔寶寶响屋企食咗好多野架喇,
估唔到咁夜佢都仲咁開胃,
食到咀LAM LAM...

食完飯行經OK便利店,
大少唔好大教壞細,
教兔寶寶夾公仔...

呢晚BB磨到三點幾四點先肯瞓!!!
下次真係要殘忍D,
唔可以俾兔寶寶隨便破壞時間表!

因為太遲瞓,
加上食咗傷風藥, 第二日我都瞓到黃朝百晏先起身.
星期三呢日天氣都麻麻地, 成日都落微微雨,
我地都無邊度好去, 係落街食個tea就走去街市買餸.

星期三嘅晚餐有蒜蓉蒸溫室茄子.

腐乳馬拉盞炒通菜.
呢兩味都係大少陪我一齊去街市果時落order要煮架!

仲有一斤白灼赤米.



辣汁煮花螺, 螺是我想食而買的.
本來打算白灼,
唔記得買海鮮醬,
於是用沙嗲醬、沙茶醬、辣椒醬同馬拉盞求其整個汁.
反正兔寶寶都唔食得螺, 整辣D都無所謂啦!
估唔到話唔食螺嘅大少都很欣賞.

呢餐又要剝蝦殼、挑螺肉, 食咗好耐呀!
無瞓到晏瞓嘅兔寶寶竟然食食下响high chair瞓著咗!
因為雙手污糟, 無影佢相呀!

************************

其實我地仲買咗一斤蜆架!
不過晚餐食唔落咁多, 就留返晏D宵夜食.
我用咗一個洋蔥加一條甘荀加少少水滾個湯先,
再用D湯來煮蜆.
行過有記買咗幾條腐皮魚肉卷, 又放埋落去淥.

啖湯無放任何調味料, 依然甜得很.
睇下, 有隻手仔想偷食呀!