最後的宵夜

3月30日  星期六  陰天

前幾日又去咗呢間酒家仔飲茶,
叫咗三個點心、一碟菜莆煎蛋飯同豆豉鯪魚炒油麥菜,
全部都係供麻甩佬食用嘅size,
大大碟, 慌C你唔飽咁...



要說的是那碟菜莆蛋飯,
D米好似唔夠水咁, 硬得很...
我和大少盡全力都只能吃半碟, 還有半碟打包拎走.
回家後加水煮成飯仔, 兔寶寶竟然全部吃光了(唔計D蛋)...
成半碟飯, 我都未必食到咁多呀!

反而在酒家內唔係食好多野,
掛住撩四圍D食客玩~



整蠱做怪, 娛己也娛人.

**********************

大少經常幫襯買宵夜嘅小食店做埋尋日就結業了,
間鋪已經做咗七年, 都係抵唔住貴租.
Last day呢日大少當然會走去幫襯下,
買咗三盒食物返來...

打開呢一盒嚇咗我一跳,
乜食埋D咁嘅野呀?!
大少就解釋一般豬腸佢唔食,
係呢D"一級靚腸"佢先會食;
又話呢D係腸頭,
小食店老闆娘都留返俾自己食云云...(下刪三千字)
恕我見識淺薄, 真係唔知呢盒野係"一級靚腸"囉~

幸好呢盒野下面有幾塊牛肚(我只吃肚),
我先可以幫輕下大少,
等佢唔洗一次過吞咁多"靚野"落肚!
灌埋兩罐啤酒,
食完呢餐大少個肚好似塞咗個大皮球入去咁呀~