雜記

3月31日  星期日  晴天

去親華星食野, 都係食佢嘅常餐同多士,
大少就成日同我講話佢D豬扒都好好食.
呢日我明明想食多士,
佢硬要我叫豬扒來試下...

不過sorry, 豬扒中只有香茅豬扒我覺得好食,
呢份炸豬扒, 大少你覺得好食就食埋我果份吧!


兔寶寶嬲霸霸, 因為坐咗响死角位.
平時佢最鍾意嚟呢度, 一路食一路同D侍應哥哥玩,
佢可以成碗牛肉通粉食晒架!

***************************

已經復活節, 我仲收埋白色情人節D相未出.
當日我襯大少返咗工先打俾佢,
告知佢"白色情人節"呢回事(唔講佢唔會知/扮唔知).
咋咋啼啼又可以唔煮晚飯..


响呢間茶餐廳食飯,
兔寶寶最鍾意企响身望出窗, 睇人溜狗...


***************************

呢份係前日嘅午餐,
煮咗"有記"嘅鮮蝦雲吞同腐皮魚肉卷.
腐皮卷我覺得麻麻地, 但雲吞就幾好食.
佢屬於細細隻豬肉多過蝦嘅雲吞,
還有不少蝦子撈埋一齊做餡,
很有舊式雲吞嘅風味.


大少落order要食公仔麵,
而我同兔寶寶就食上海麵.
不少得來一碟菜.