薯仔甘荀炆牛肋骨

3月21日  星期四  陰天

星期二呢日LUNCH,
有預先炆淋嘅牛肋骨, 臨吃前再加兩個薯仔和甘荀入去炆.
牛肋骨在凍肉鋪買, 雖然有個"骨"字,
其實啖啖肉無骨的,
因為預先兩天炆得好淋, 兔寶寶都吃了很多.

上面果碟已經有甘荀薯仔,
再來另一碟就只是簡單的瑤柱醬炒西芹.
奶奶自己整嘅瑤柱醬好好食,
但係無防腐劑, 都係快D食埋佢,
用來送麵都好好夾呢!





之前有blog友提議灣仔另一間麵店---鏡記,
於是就去幫襯下.
果度都好多人買麵, 而且花款很多,
有芝麻麵呀、蕃茄麵呀、甘荀麵呀...等等等,
要試勻真係要花上一段時間呀!
我地都好喜歡食麵, 尤其天氣開始熱,
就更加無飯癮了, 大把機會慢慢試.
呢日就買咗雲吞麵(生麵)試下,
而兔寶寶就食河粉.

兔寶寶呢排很喜歡食河粉,
但見我地食麵食得津津有味,
都搶著要吃麵;
大少就自嘲是垃圾桶把呀B吃剩的河粉吃光了...(扮晒野, 唔好食你會食?!)


***********************************

星期二嘅天色麻麻, 襯未落雨就帶兔寶寶去公園走走.
係呀, 自從我响blog度寫話好想大少每日都帶BB去玩,
"帶呀B去放電"嘅責任就交咗俾大少喇!
而佢都好盡責, 除非有野做, 佢真係每日都帶兔寶寶落公園架~
呢日大少要去剪頭髮,
先至要我去公園睇住兔寶寶玩埋下半場....
BB見到我幾雀躍?!
因為我帶咗手信嚟吖嘛! 你今日飲咗未呀?!



兔寶寶同呢個大佢半年嘅姐姐仔玩得好開心,
又玩"伏璃璃", 玩樹上跌落嚟嘅樹葉都玩得一大餐...

公園入面有咁多姨姨做觀眾,
兔寶寶梗係襯機表演吓, 跳返part舞先~~

之後仲有BB玩~~~

玩到聽到雷聲先識走;
好彩咋! 走遲一步就變落湯兔喇!