天氣已經無咁熱, 仲有少少涼添!
不過我地依然要開住冷氣!
因為而家大廈做緊翻新工程,
搭晒棚咁, 都唔敢開窗呀!
今朝D工人仲响正我間屋出面鑽鑽鑽,
都唔知鑽乜!
我瞓响張床度, 貼住幅牆嚟瞓,
而D工人就响果幅牆嘅出面鑽鑽鑽!!
正確D講係D工人爬到11樓嘅我家牆外鑽鑽鑽!!
如果我當時貼隻耳仔埋牆瞓嘅話我諗聾都似!!
未來呢幾個月有排煩呀!!
呢幾日都有餵兔寶寶食糊仔呀,
不過佢對我嘅母乳表現得忠心耿耿,
只係當D糊仔係漱口水咁,
"浪"完個口之後就"NUR"出來,
又或者係"BU"出來....
所以餵佢食野時要攬兩條口水肩呀!!
佢一路食一路係咁"E..EE...ER..ER.."
我都知D糊仔好難食,
所以今日都加咗少少香蕉落去.
兩條口水肩都係濕晒,
要攬返條膠圍裙先得...
不過兔寶寶好似認為膠嘅野比糊仔更好食咁,
想擺條膠圍裙落口呀~~~
沒有留言:
張貼留言