再入珀麗灣---正式拍攝

8月14日 星期二  晴天

終於再次於"我和大少的簡單生活"中發文了!
尋日我地留底兔寶寶俾婆婆, 兩個人走咗去珀麗灣,
拍攝我地遲來的婚紗相.


本來約咗下午兩點影相的,
前一日MONA LISA打過嚟, 叫我地早少少到;
十一點幾呀媽來到我家,
我同大少就提早出門口了.

在葵芳轉shuttle bus時順便食埋野先,
就去咗Euro go go叫一個pizza 餐share食.
套餐可以揀沙律/茸蓉包同埋餐湯/汽水.
我地揀咗沙律加熱咖啡, 汽水轉咖啡要加2蚊.


煙肉磨菇pizza, 很喜歡它脆脆的薄底,
一口氣吃三件都唔漏.

這個pizza是日做特價, 單售只是45元,
加多6元可以轉成套餐.

加多八蚊仲可以加甜品: 蜜桃班戟.

********
我地一點鐘已經入到珀麗灣,
職員卻說化妝師未到, 著我們出去行一陣,
還給我們開了locker, 俾我地兩手fing fing出去行街街.

珀麗灣人少車少, 空氣很好,
不過就無乜野好行.
問一問保安員邊度有超級市場,
就行去百佳買野飲同買包餅,
預備陣間影相時肚餓吃.

兩點鐘, 影相了.
真係要讚一讚MONA LISA,
無論化妝師、攝影師和助手都很專業.
大少仲問我咁好services, 要唔要封返封利是俾人...
我想佢地唔係freelance, 應該都唔收利是,
咁就無俾了...

整個攝影場地都不可以拍攝,
但大少還是偷偷地在locker位幫我影了一張...


************
今次我地只是帶咗花球作道具:

試婚紗果日, 職員話佢地可以幫我地訂鮮花球,
連鮮花頭飾和新郎襟花大約七百幾八百元.
當時我嫌貴, 諗住前一晚同大少一齊响花墟買.
點知我响網上一睇, 原來花墟買花球嘅價錢平不了多少.
反而呀媽幫我响屯門新虛問過,
只係需要三佰多元就有了.

不過我再做吓research, 發現好多人都係買絲花球影相,
一來價錢便宜很多, 很多款式大約二百多元就有了.
二來是不用打理照顧它, 不用擔心它會凋謝.
而且我地仲物色緊其他婚紗攝影公司,
打算帶埋兔寶寶做花女再影一輯(這就是為什麼大少近期不停要keep fit的原因了.)
買一個絲花球可以留下次再用.

呢個花球我响網上搵來買, 只需90元!