1月27日 星期五 寒冷
有人攪我部電腦呀!!
原來係你隻兔寶寶...
係度攪乜野呀你??
兔寶寶: 我想睇吓你影得我靚唔靚呀!!
踏入龍年, 兔寶寶又有些少轉變.
第一係佢好似無之前咁怕陌生人,
至少肯俾生保人抱吓,
大時大節當然係好事啦,
新年流流無人想一抱個BB就喊咁嘛!!
第二樣野就係佢好似肉緊咗.
呢排佢講野同埋笑嘅時候都咬實牙根,
果個表情某程度上我覺得幾猙獰!!
仲有就係佢成日都會捉得我痛好實,
又或者扯我D頭髮...
其實我已經紥起咗,
不過佢都會特登走埋嚟"炆"..
生完BB已經甩咗好多頭髮架喇!
俾佢咁扯甩D頭髮真係又肉痛又心痛...
尋晚佢又因為太肉緊而一野抓損咗我塊面...
我估係因為佢出牙仔掛?
******************************************
大少係上海人, 唔食傳統果D庶糖年糕,
我地食上海年糕...
面頭果D係我加咗七味粉落去,
因為天氣凍, 想食D辣呀!!
沒有留言:
張貼留言