8月12日 星期五 炎熱
今日晚上去咗參加由 Johnson's Baby 主辦的BB按摩班, 大少要返工, 呀媽陪我去...
因為等咗好耐先有的士, 我地遲咗5分鐘到達, 幸好還未開始, 好多人都遲到, 我地係第四個到達呢....
本來以往會見到好多BB, 可惜大部份人都無帶BB嚟, 到活動開始時, 兔寶寶係現場唯一一個BB. 開始時她都好合作, 偶然會大聲嗌. 點知愈坐愈唔耐煩, 開始哭起來...怕影響其他人, 婆婆就抱兔寶寶出去行吓了...
後來有帶BB嘅家長陸續來, 而按摩示範環節也開始. 兔寶寶卻响呢個時候瞓著咗, 負責演講個姑娘就唔見議佢示範按摩...後來佢醒咗, 而本來示範緊嘅BB又扭計, 所以兔寶寶就可以出去俾姑娘做示範, 點樣按摩背部...
姑
娘叫我返轉兔寶寶, 我先知我一直都用錯方法返轉佢! 雖然都係用隻手'豆'一'豆'佢, 由得佢自己轉, 但隻手應該向上伸直而唔係放低;
而兔寶寶一轉身, 好多人都話: '好得意呀!' , '好似超人呀!' '好夠力呀!'..連姑娘都話兔寶寶條頸好夠力,
咁我唔洗擔心遲下佢响健康院嘅表現了...
成
個按摩班, 最有用係學到肚部按摩(可以舒緩便泌), 以及背部按摩(可以幫忙睡眠); 個姑娘話兔寶寶好緊張, 成日都捉實拳頭,
叫我多D同佢做手腳按摩; 佢又按兔寶寶個肚, 話BB腸胃好好, 當佢知道BB係食母乳, 就話怪不得個肚仔咁軟啦, 食奶粉嘅BB個肚無咁軟,
因為唔多唔少腸胃有問題.
之後有人問到點樣拍痰, 姑娘又示範點拍...有咩問題又可以即場問..都幾好吖!
好多按摩手法都記唔晒, 所以最後主辦單位都俾咗隻vcd, 可以返去跟住做; 仲有一包濕紙巾, 一張按摩地墊同一支lotion做贈品添! 有興趣嘅朋友都去報名啦! 成個course都有用架!
姑娘都話我叻叻呀, 媽咪!!
沒有留言:
張貼留言