兔寶寶37週5

4月6日  星期三 晴天

兔寶寶37週5  產檢

好開心呀, 兔寶寶唔洗催生了..

今日要入院作產前檢查, 一早八點半, 我就自己彈起床, 比鬧鐘還要早5分鐘, 不用吵醒大少....因為佢尋晚瞓瞓吓頭痛, 都想佢瞓多陣, 只係放定個電話响床前, 要是真的即時要入院催生, 都可以叫醒佢幫我攞走佬袋.....

沖好涼洗埋頭, 再一次檢查好兩個走佬袋, 我仲有時間煮埋麥皮食, 連入院食嘅小食都準備好呢!!

今日真係有晒心理準備要入醫院生得了...連雪櫃D食物都俾我清掉; 又換好床單洗好衫, 甚至在洗澡後換上紙內褲... 今朝可以話係做咗一次模擬生得走佬演習呢! 所不同的是今日我仲係慢慢行去醫院....

一輪聽胎心同照超聲波後, 醫生發現兔寶寶而家有2.4KG, 胎水雖然偏少但係都勉強合格, 臍帶血都OK, 唔洗催生都得...好開心呢!!

今朝响屋企影的相:

今日磅重, 我都重咗唔少, 有成56.2KG呢!!