元旦日

1月6日  星期二  晴天

兔寶寶間學校由聖誕一直放假至到一月二号,
於是有幾日就要去咗婆婆到住.
元旦日一早起身, 我才獨自去接返佢...

晚上連同大少, 唔知去邊度食好..
左兜右兜, 發覺呢日連去酒樓打邊爐都加晒價.
最後去了鰂魚涌一間茶餐廳吃點心和烤魚,
雖然地方細小, 但D野食又幾好味喎~

食完野無野早, 去了杏花村行吓..
大少話呢度算多野食, 又唔多人,
下次過時過節可以走嚟呢個商場食.

 

 

去咗冒險樂園玩!

嚟到換金幣先知原來張會員卡啱啱過了一日期,

要俾廿蚊續會.

三人玩了三十個金幣,

贏了一隻LINE熊仔電話座..

兔寶寶第一次來,
要影返多D相~
呢張相, 呃得下人,
個個以為去咗威尼斯!

 

 

 

 

一月四日, 兔寶寶第一次上cooking class..

 

今次煮蕃茄肉碎螺絲粉.

佢好開心呀.

平時佢咁鍾意攪攪震, 都知佢一定好啱上烹飪課架喇~
呢幾堂cooking class好抵玩,
團購價二百幾蚊有四堂!
星期日俾佢自己上一個鐘頭堂,
我又有少少時間四圍行吓享受吓free hour,
兩母女都有益處..

 

 

 

唔知碗粉有幾多乘係由兔寶寶做...

 

 

我問佢係咪由佢切肉, 呀B話係;

係咪由佢炒粉, 兔寶寶又話係...

不過呢碗螺絲粉確實係幾好食,

相信老師都佔不少"功勞"...哈哈~~