忙碌的週日

1月12日  星期一  晴天

昨天好忙呀, 一早起身食完早餐, 

兔寶寶就嚷著要去圖書館..

照慣例, 一睇到佢無心機就即走!

去咗呢排我經常會同呀B, 兩母女去食LUNCH嘅地方....

係銅鑼灣嘅pancake color!

午餐四十幾蚊起, 味道就無乜好講, 

同一般茶餐廳差不多, 

可能我次次來都係叫滑蛋照燒雞飯, 

而佢D雞係麻麻地好食的, 燒得較乾.

份量方面就好夠, 

我同兔寶寶一人一半, 都飽咗七八成!

最抵最抵嘅係, 凡叫套餐可以特價叫甜品!

我地叫一份雪糕pancake, 都係加廿八蚊!

所以嚟親呢度, 我都係在意佢甜品較多,

即使佢正餐唔係特別好食, 都無所謂啦!

而且一份午餐有湯有凍飲, 加埋咁大碟甜品, 

埋單都係八十一蚊!

銅鑼灣來計, 好抵!

食完晏, 急急腳要去上cooking  class!

今堂係整蝴碟酥!

酥皮係用現成嘅, 其他程序由小朋友一手一腳負責!

兔寶寶真係好鍾意上cooking class, 

每一日都問我係咪去cooking!

就連跳芭蕾舞都無咁熱心!

上完堂, 又急急腳搭巴士返北角, 

幫手抬部50吋嘅4K大電視俾呀公!

部電視係我參加新城電台嘅遊戲節目--香港商場行銷體驗2014嘅獎品來...

因為奶奶家中的電視還新, 

而呀公果部, 雖然都係上年買, 

但因為呀公好鍾意睇碟

所以就搬來俾呀公..

三個男人留响屋企攪機攪到唔願落樓食飯...

晚餐, 去咗富臨食!

叫咗好多餸, 

最後仲有半碟糯米飯俾我打包, 

留返今日做Lunch!

飯後兔小姐表演醉拳...