又一週

1月20日  星期二  晴天

忙忙碌碌之下, 

轉眼又一週!

上星期三放學/放工後去咗中環食放題~

食完急急腳走喇!

唔早D走, 

第二朝點起身返學吖!

好老實, 我愈來愈唔鍾意大少星期三放假!

以前兩母女唔洗返工返學就話好姐, 

宜家....

最最最慘嘅係, 食完飯返到屋企仲要趕頭趕命做餐死, 

而人家大少....係坐..應該話係灘响度視而不見!

呢D飯, 唔食好過食!

時間過得好快, 

轉眼間, 兔寶寶已經夠高望塊鏡!

當然, 佢係企响櫈仔上面.

星期六上完PHONICS, 

去咗樓上一間普通話學校嘅open day!

有得食有得玩, 好開心..

當日小食全是一些特色傳統食品, 

好似龍鬚糖, 兔仔棉花糖、雞蛋仔等...

除了畫畫, 兔寶寶還第一次試寫毛筆字!

佢學寫大吉大利, 

兩個"大"字, 都寫得OK架!

個"利"字就...算吧啦!

佢都未寫過中文字, 算係咁架喇~

呢間語言學校都算幾落本, 

例如其中一節課程係學"超級市場", 

佢地就將其中一間教室裝飾成超市模樣,

極度真實.

兔寶寶置身其中, 玩到唔捨得走.

呢間超市, 有生果、麵包、海鮮同日用品賣.

小朋友可自由選擇扮演顧客、店員或是收銀員.

排隊俾錢時, 顧客還會得到銀包一個, 

以作付賬之用.

如果現實中有間咁嘅超市, 

我一定會仆到咁去了~

星期日, 去咗鰂魚涌公園玩...

時間真係好快過呢!