蛋包飯@盛八食堂

1月27日  星期二  晴天

上星期五在銅鑼灣放工, 

早D去接兔寶寶放學, 兩母女一起去撐枱腳.

早前團購, 買了盛八食堂的現金卷, 

於是去了名店坊的鋪頭吃蛋包飯.

單點主菜, 加錢可以有埋湯、沙律或雪糕.

加十蚊選一款, 十五蚊揀兩款, 

加二十蚊, 就三樣都有晒!

我咁識計數, 緊係三樣都要啦!

沙律和湯都唔差...

主菜俾兔寶寶自己在餐牌中選, 

佢揀咗蟹餅配芝士白汁蛋包飯.

只要唔係辣就啱佢食喇~

試過下D汁, 係幾好食...

只要一影相, 就V...

一面食飯我一同佢講, 

食快D有雪糕食....

點知佢同我講, 佢咳...唔食雪糕!

到個雪糕嚟, 

佢就話, 媽咪你咳(事實我都有少少...),

唔食得雪糕!

你睇佢個孝順樣!

一個餐兩個人食, 其實一定唔夠飽!

不過我慣咗放工前會食少少野, 

搭地鐵都有多D力同人迫車!

埋單百三, 計埋團購coupon, 

即實質要俾八十蚊, 

呢區食夜晚算好好抵!

食完飯, 過隔離AEON買野食去週未的學校旅行,

仲買到恨咗好耐的白色鬆弛熊魚蛋...

所以星期五六日, 兔寶寶超HAPPY~~