聖誕節。平安夜

1月3日  星期六  晴天

祝各位新年快樂!!

新嘅一年第一個blog, 仍然係講緊上年嘅事!

先睇下十三點!

平安夜呢日, 

我依然要返工, 不過收早.

兔寶寶都要一早返學校開聖誕聯歡會.

大少唔洗返工, 由佢去接呀B放學.

玩咗成朝嘅兔寶寶忍唔住响大少嘅懷抱下睡著了.

有段小插曲, 呢個時候大少打來,

同我講佢正响灣仔果頭, 離遠見到馬路有好多人執錢!

我聽到即刻同佢講肯定係有人玩整蠱遊戲, 

後尾睇返新聞才知原來成件事係真架!

放工, 約咗响皇室堡等,

就兔寶寶睇小丸子...

襯無乜人, 上咗小丸子架車上影相.

呢日真係好好彩, 一而再再而三地見到聖誕老人!

行過實惠, 剛好見到聖誕老人開工, 

即拖呀B去影相. 

到我地影緊相時, 已經有好多人等候喇~

呢晚book咗了去Trafalgar & Barn II 食, 

團購晚餐, 加埋一約三百蚊一位左右, 

平安夜來計, 超抵!

前菜和湯

兔寶寶唔食沙律唔飲湯, 

齋食麵包條!

主菜要了魚和牛扒.

因為兔寶寶無叫餐, 

散叫了一份炸芝士當消費.

呢個餐仲包野飲, 酒都係任飲!

我飲ZERO, 叫了杯雜果賓冶俾兔寶寶.

好似好耐無影全家幅!

兔寶寶...已經俾燃燒中嘅聖誕布甸吸引著了!

呢度算係酒吧來, 

不過呢日特別日子, 加上還早, 

也有很多小孩子...爭著玩飛標..

難得好心情, 去埋摩天輪!

超多人! 得個睇字!

補返平安日中午大少同兔寶寶在灣仔會展影的相...

平安夜吃得太豐富, 

廿五号中午在家煮麵吃.

在屋企附近舊式餅店買個幾廿蚊的蛋糕應下節就算...

兔寶寶依然開心.

呢排佢影親相都舉起V字手勢,

其實我覺得好老土, 很成龍FEEL...

不過...個個小朋友都經此階段吧?!

廿五号夜晚, 奶奶上了中山, 

我好開心可以霸住個廚房自己煮, 多菜少肉, 少油少鹽!

兔寶寶...又係V!!

廿六号, 公司攪展覽,  我要去會展做野!

廿七号都有去幫下手, 帶埋兔寶寶去!

呢日係玩同食多過做!

廿八号就帶咗兔寶寶入屯門交由公公婆婆湊, 

因為佢仲未放完聖誕假, 而我地又要返工了!