迎新旅行@迪士尼

9月14日 星期日 晴天

現在能寫blog的時間很小, 

週日晚才寫到, 上星期六兔寶寶幼稚園舉行的迎新旅行.

真的很開心呢!

去迪迪尼呀!

集合時間是在早上九點二十分. 

我們一早就要起床吃個飽足的早餐.

記憶中, 大少從來沒有這般早起床陪我們去玩...

 

  先在學校集合等旅遊巴.

這次旅行, 只是新生有份, 

目的是要加快新生對老師的親切感.

家長最最最開心的, 

是次行程, 還包了兩張大人飛!

我們只需自行購買一張小童飛就可以了.

去到迪士尼才發現忘了帶太陽帽, 

那是可曬呢!

老師安排我們首先集體玩兩個機動遊戲, 

第一個是坐維尼熊蜜糖罐.

排隧時老師讚兔寶寶很有耐性, 

不似其他同學又扭抱又跑來跑去.

其實呀B已經熱到炆炆地喇~

之後再集體玩了一次小小世界,

就解散了, 各有各玩.

事後問返D家長, 有很多都敵不過炎夏, 

逗留多陣就走了.

我們無蝕底, 留到睇埋煙花先走.

學校的安排很好, 

了解到每個家庭的喜好不同, 

任得我地點玩.

解散前, 和其中一位老師拍照.

 

 

 之後我們坐小飛象.

又睇動感影院.

 

之後試新野, 

玩迷離皇宮.

呢個遊戲有小小驚嚇, 

因為新, 所以才有印象, 

唔係屬於好好玩的game.

然後, 我地挑戰兔寶寶的膽量, 

玩降落傘!

大少都係因為兔寶寶敢玩, 所以先焗住要玩!

玩嘅時候兔寶寶開心到騎騎笑, 

但睇表情佢係有D驚.

玩完佢話好好玩, 

但問佢仲玩唔玩多次, 佢就搖頭喇!

俾個叻叻佢, 

連坐對面嘅陌生人都話佢咁細個敢玩又唔喊,

夠勇!

為咗要同兔寶寶定驚, 

我地响反斗奇兵大本營行一陣, 影下相.

而我亦自己走去玩沖天搖控車.

 

 

 

 跟住我地等船, 

玩森林河流之旅.

跟住就激喇, 

同啱啱夠高玩嘅兔寶寶玩飛越太空山!

太耐無玩, 我都唔多記得呢個遊戲其實係幾激吓嘅, 

尤其係對個三嵗多D嘅細路仔!

响黑暗中玩過山車...

我只記得, 我要用力扶住佢, 

至於佢咩表情就見唔到喇!

玩完佢都無乜野驚青, 

仲識笑就即係無野啦!

所以呢, 唔好睇佢平時唔聲唔聲, 

原來都幾大膽!

之後又玩太空飛碟.

玩完呢樣, 成日話自己體能好好嘅大少已經謝晒, 

落太空飛碟時仲面青青, 

幾驚佢會嘔呀! 

要兔寶寶扶返佢轉頭.....  -_-

玩之前, 個樣都好地地架~

 俾大少休息下, 

我同兔寶寶玩轉轉茶杯, 

而大少就負責响出面影相.

係呀, 是次行程, 

我plan咗就係咁玩玩玩!

為咗慳錢慳時間, 

我地準備咗三文治和大量零食充飢.

零食係為我而設的,

因為我係個好無耐性嘅人, 

排隊嘅時間唔搵D野咬下, 

我會覺得好難捱!

遇到拍照職員幫我地影相.

氹咗大少好耐, 

佢先肯一齊玩巴斯光年.

大少話玩到暈陀陀,

投降剩低我地兩母女玩亥旋轉木馬.

臨尾等睇煙花, 

玩多次小熊維尼歷險之旅.

睇完煙花, 離開樂園時, 

玩咗成日的兔寶寶終於忍唔住要瞓返下了.

搭地鐵返北角, 

晚飯在茶餐廳吃.

第一次食呢間, D食物幾好, 

碟頭夠大, 料頭也足.

玩咗成日又瞓過覺, 

最開胃係兔寶寶.

兩個大人攰到軟奶奶...