下午茶@名提

6月1日  星期日  晴天

呢兩日上身又生晒紅點, 

初時以為係皮膚敏感, 

後來才知是熱痱.

熱痱比皮膚敏感更痕, 

前晚瞓咗兩個鐘之後痕醒, 

仲以為無瞓咁耐, 一定會好好瞓.

但尋晚食埋醫生開嘅安眠藥都係到半夜三點鐘痕醒!

搽乜都係痕, 搔得呢撻果撻又痕, 

日頭有野做果時反而好少少, 

一得閒對手就好唔得閒.

明知唔可以搔, 但真係痕到面容扭曲~

尋日兔寶寶唔洗返playgroup,

但就要去學芭蕾舞.

得果四十五分鐘, 無謂兩頭騰;

响學校附近食個tea等佢.

我要了烤牛肉撈檬, 

好耐無食凍檬, 呢碗幾好食, 

而且份量好大.

跟餐加十二蚊要了一份蒸扎肉.

呢個就普通了些.

大少要的海鮮喇沙.

麻麻地好食, 個湯似即食麵果D.

又加十二蚊叫了一份蒸粉包.

因為最後上枱而我又食飽粉, 好食都變唔好食~

下午茶無加一, 

但埋單都要差不多百二蚊, 

我覺得有少少貴.

兔寶寶上完堂返到屋企好似好攰咁, 

我在廚房執一陣野, 

出嚟已見佢咁樣: